مصير الحي يتفارق)
(مصير الحي يتلاقى) عبـارة تعمـي العشـاق
بها العاشق يصدق لاغدى وسط الوهـم غـارق
عبارة كذب ... أما الصدق : أصلاً هالحياة فراق
إذًا : أفضل كذا نكتب : (مصير الحي يتفـارق)
تعب كـل الحيـاة .. وكلهـا هـمٍّ ولا تنطـاق
ودايم في سمـا نفـس المتيـم حزنهـا شـارق
تسابقنا ظروف الوقت لوصال الحبيـب سبـاق
وتسبقنا على وصلـه وترسـل للفـرح سـارق
وكم من عاشقٍ كـان يترقـب للوصـال وتـاق
وصادم واقـعٍ أخفـى وميـضٍ للأمـل بـارق
حبيبي لا استحال الوصل كيف نترجم الأشواق؟!
زمان يتعـب التفكيـر لوكـان الذكـا خـارق
حبيبي كنت أبي أمدحك وأذكر وش كثر مشتـاق
ولكنـي شغلـت بـذم دنيًـا همهـا حــارق
لذلك قلت بالمبـدأ تـرى الدنيـا ألـم وفـراق
وترى أفضل كذا نكتب : (مصير الحي يتفارق)
وهذه قصيده على نفس النمط لشاعر طلال السعيد
أخالف ناصر المجماج... حديثي تجربة عشـاق
أنا وشلون عاشق كـان لاناطـر ولا مفـارق
ركود الحب ما أطيقه ... وحياة فراق ما تنطاق
عرفنا الود بالتوديع ... شفنـا باللقـا الفـارق
يا ابن عمي غلا واضح ماهو حبرٍ على الأوراق
غلا يجعلك تنسى اسمك وتنسى زياد مع طارق
يسد النقص بالدنيـا حبيـبٍ يسكـن الأعمـاق
بدايتهـا بنظـرة عيـن سهـمٍ للحشـا خـارق
إذا العاشق فتح باب الغلا وقـع علـى الميثـاق
يطبق سنـة العشـاق مايسـأل مـن الطـارق
رفيع الشان حبه يرفعه مـا يطـاوع المشـراق
نظير من الألم سهران ... جبين من التعب عارق
ترى اللي خاض ببحور الغلا من غير ما يشتاق
مهو عاشق هذا اسمه على شرع الهوى مـارق
على ما قلت أأكد لـك حلاوتهـا لقـى وفـراق
مصير الحي يتلاقـى مصيـر الحـي يتفـارق
مع اجمل التحيات
رد مع اقتباس
احترامي 
المفضلات