بيت الشعر عنك مانويت بالتوبه
بيت الشعر عنك مانويت بالتوبه
—- ولانويت أبتعد عن حمر الأطعاسي
أستهوي الضو بوجه البيت مشبوبه
—- وأستهوي البن يحمس وسط محماسي
وأشفق لشوف الغضى يبس ومحطوبه
—- وشوف الدلال الصفر يبري تعوماسي
وأفرح بقرم(ن)يكر النار في ثوبه
—- وريحة غضاها يرد الروح لأنفاسي
وأسعد بشوف الحلال وحزة غروبه
—- الى ضوت للعشا تقرع بالأجراسي
والبل تبغي العشا ترغي ومشعوبه
—- والراعي اللي مع الحيران محتاسي
يازين شوفة نجوم الليل مصحوبه
—- مع بدرها اللي ينور عتم الأعماسي
ينعش فؤادي نسيم البر وهبوبه
—- وريح الخزامى الياهبت بنسناسي
والمهره اللي عسفها العود بسلوبه
—- من دون سرج ركبها عالي الساسي
وشيهانة للقنص تطلع ومطلوبه
—- تطلع بعيد وغلاها ماله قياسي
بنت البدو شيخة فطنه ورعبوبه
—- تعوذ من كل شيطان وخناسي
الى لفا الضيف مثل البرق لهلوبه
—- سيف تصاقل فملعب كل الأجناسي
ماعمرها جات مخزومه ومغلوبه
—- غندورة والعقل أنفوذه سياسي
مرغوبة حيل ايوالله مرغوبه
—- من مجلس النشامى فيه جلاسي
يا نار أكلي حطب00 ماعندناتوبه
—- حنا بدو دايم نمسي فالأطعاسي
أهم ما يهم المعلم: حلول دورات، أسئلة امتحانات، اختبارات تنافسية ومقابلات.
👈 رابط الانضمام مجموعة واتساب (اضغط هنا)
امتحانات، اختبارات، أخبار تعليم ومناقشات مهمة للمتابعة.
👈 تابعنا على واتساب (اضغط هنا)