تغيب وغيبتك عن عيني ابعد من حدود الياس
وهمس احروفك يداعب ضماي ولهفة جروحي
غريب وتارك اغصان الوطن وجناحك الاحساس
تحلق في سما حبي ونوحك يشبه لنوحي
تعال وقيس ما بين الخفوق وحرقة الانفاس
وسافر في عروقي وابني اعشاشك على دوحي
أحبك كثر ما هز البحر وامواجه النسناس
واحبك كثر ما تزهر غصون الشوق من بوحي
واحبك كثر ما تطري علي عيونك النعاس
عيون تلتحف ليل السهر وتبات في روحي
كتبت ابكحلها حرفي وسطرته على القرطاس
يلهب شفة الذكرى وقلب الليل مجروحي
عرفت أن الزمان اللي عطاني ما يعل الكاس
مدام انك بخيل وكل ماجا طيفك ايروحي
وانا مالوم غيمك لا همى وامطر قلوب الناس
أنا اللي ما رويتك والمطر ما بلل اسفوجي
ولو غبت ووصلت ابعد من احدود الجفا والياس
أنا ما انساك ودموعك تضمد لهفة اجروحي
قريتها بروايه وعجبتني
حبيت تشوفونها
اتمنى تنال اعجابكم
رد مع اقتباس
المفضلات