يميـــن الله ما جيــت أكتــب أشعـــاري بــدون أسبــاب
عشــان أكسـب رضـا الجمهـور واسمـع قـوة التصفيــق
ولا فكــرت في يـــوم ألبــس ثيـــاب الفتـــى الجـــذاب
عشــان أكبــر في عيــــون الصبايـــا حاليــات الريــــق
أنـا فينــــي منـــــادي كلمـــا نـادى فتحـــــت البـــــاب
علــى كــل الكــلام اللــي يجملنــــي معـــــــه ويليـــــق
تجينــــي مفــــردات الشعـر منسابـة واجــي منســــاب
وتجمعنــــا قصيــــــدة ماتبــي دعايـــــة ولا تسويـــــق
أحــب وكــل شخـص يحــب.. واللـي مايحــب كـــذاب
خســـارة.. كيـف صـار الحـب بين الشــك والتصديـــق
أنا رعشــة هــدب عيـــن انطفـا فيهــا الحنيــــن وذاب
علـى روعـــة مشاعـــر تتســع لـي والمكــان يضيــــق
الايـــام الجميلــــة ماتغيــــب ولــو قمرهـــا غــــــاب
اظــل السامــــر اللـي ينتظــر وجـــه الصبــاح يفيــــق
واظــل الهـــاوي اللـي خاطـره طيـب وهـو ماطــاب
بخيــر .. وكنـه اللـي طــاح مـن قمــة جبــال طويــــق
واظــل الرايـــق اللي ضحكتـه تخفـي وراها اتعــاب
الـى خيـّـم عليــه الليــــل تسمــع لـه بكـــى وشهيـــــق
ألا يا الجـــوري الدلوعــــة المزروعـة فـ الأهـــداب
علــى بالــي سواليفــــك وطلعاتــــك... بلا تعليـــــــق
عرفتــك في مواعيــدك.. صحيـح إن الهوى غــــلاب
تجينـي مثـل شيهانـــة عليهـا شمـــوخ نجـــد يليــــــق
واجيلك مســرعــ (ن) بشويــش.. متناقـض رضـا وعتــاب
أخـاف من الوعـــود اللي كساهــا طابـع التشويــــــق
لقيتـك حـب.. مو بس حـب.. لقيتك كل ابـوك احبــاب
لقيتـك كل الاصحــاب اللي باعونـي بوقـت الضيـــق
دخيل الله يا سلطــــــان فكـــري لا تزيـــد غيــــــاب
وامانـة لا يحوشـــــك مـن سعـى بالهجــر والتفريـــق
أنا والله أحبـــك... لكــن الفرقـــا تطيـــــح رقــــــاب
علـى خـدي بقـــت دمعـــة وداع تحرقــــه تحريـــــق
فديـت الشاعــر اللي قال .. " ماغاب القمر ماغاب "
و ابو نــــورة يغنـي والجـــروح من السبــات تفيـــــق
نعــم ما غـاب هــذاك القمــر لو فـي سمــاه سحــــاب
مــدام الذكريـــــــات موثقــــة فـ الذاكــــرة توثيـــــق
تعبــت.. وجيـت توي منتداكــــم... منتـدى الأحبــاب
أبــــوح بكــل خافــي.. مايجيــــه الكــذب والتلفيــــق
أنا مانيــب ولــد الشاعــر اللي له طلـب .. واعجـاب
أنا ولـد الكريــم اللي كريــــم في الفــرج والضيــــق
وسلااااااااااااااااااااااااااااااامتكـــ ـــــــم
411223
رد مع اقتباس
المفضلات