نتعلم كل يوم
من يوم بدينا على ظهر الحياة وحنا نتعلم وكل يوم نتعلم ونظن أننا فهمنا كل شيء ونبقى جاهلين,وما فيه أحد كامل علمه مثل الخالق سبحانه وتعالى هو المحيط والمطلع على اللي صار
واللي بيصير,ولكن وضعنا ليختبرنا وليرى أفعالنا :
من أول ما نولد إلى أن نصل إلى مرحلة متأخرة نظن اللي حولنا ملائكة ...
نظنهم يخبون لنا في قلوبهم مثل ما نخبي لهم ...
ونكتشف أنهم بارعين في لبس الأقنعة ...
.
.
.
معك ريال تسوى ريال ..معك مليون تسوى مليون ...بالله أنت قل لي كم تسوى ؟
.
.
.
غلبت على هالوقت لغة المصالح ..لا تنصدم يا عزيزي إن شفت أقرب الناس لك باعك بثمن بخس.!!
.
.
.
حتى حبيبك اللي تحبه ويودك ...لا تضمن عهوده ووعوده ..لين شفته يخونك في ليلة وحدة ..!!
.
.
يا كثر اللي حولك وقت الرخا,ولا طحت ما تشوف إلا عجاجهم,وما يبقى غير الأصيل ...
.
.
كل واحد يقول نفسي نفسي ..
يا هل ترى هل تنفعك نفسك الأنانية يوم القيامة ..
.
.
يقولون زمن قاسي ..
الطيب صار عبيط وأهبل والأقشر صارت تهابه الناس..!!
ناس غريبة ما تجي إلا بالعين الحمراء..
.
.
أكثر الناس جيدين في الكلام بس ...وإذا جا وقت الجد ما تصفى إلا نسبة بسيطة تطبق أقولها ..!!
.
.
الناس مع الكبير إذا ظلم ظلموا وإن أصلح أصلحوا ...وأعزفي يا مزيكا ..!!
.
.
الظلم والفساد مستشري ومستفحل وإذا جيت تبي تصلح ...القانون ما يسمح..!!
.
.
نقول حنا مسلمين ..
ونشهد أن لا إله إلا الله وأن محمد رسول الله ..
طيب وش نقول على اللي يتخصص في علم ويقراه ولا يطبقه..!!
.
.
(صلة الرحم)
الشيء الوحيد اللي تقدر تستند به وحث عليه الله ..
ضاع في هالزمن وما تشوفهم إلى كل عيد أو عيدين لا ويا ليتها من طيب نفس إلا الشرار يلمع
في عيونهم ...
.
.
الحسد يخلي صديق الطفولة ...
يتمنى موتك إذا كان في سبيل ذهاب نعمة في يديك ..
.
.
هل شفتوا دولة في العالم تحاسب الشخص على خصوصياته ...
أو كلمة يقولها بينه وبين نفسه ...!!
(شر البلية ما يضحك)
![إرسال رسالة عبر AIM إلى ][امـــــ الحب ـــــير][](images/misc/im_aim.gif)
المشاركة الأصلية كتبت بواسطة ابو فجر
المفضلات