المــــــــــــــــال ذلٍ للنفوس الضعيفه

مــــــن عز نفسه يـــا فتى قد وجدها

والهرج مفتاح الرجل قبـــــــــل سيفه

احذر لسانك لا يسبب نكدهــــــــــــا

نفسٍ تريد السو ونفسٍ عفيفـــــــــه

والظلم نار وتحرق اللــــــــي فهدها

كــــــــم ميّلت عدل العقول الخفيفه

وكــــــم مايله عقل الرجاحه سندها

تجني ثمـــــــــر بذر القلوب النظيفه

وزروع قلب الحقد لا مــــــــا حصدها

نفسٍ بتامن لـــــــــــه ونفسٍ مخيفه

أجناس نبطي مــــــــا حصينا عددها

شبه المعادن يكشف الحك زيفــــــه

عاد الاصايل تنجد اللـــــــــي لكدها

حـــــــــــذراك منزال الخطا لا تضيفه

لا جيت دربٍ للخطا بـــــــــه سهدها

العين مــــــــا تغفا ولا هــــــو بكيفه

لـــــــن الضمير إن قام يشبه رمدها

اتعب علــــى علوم الرجال الشريفه

غدران تروي بالنعم مـــــــــن وردها

الطيب والمعروف روسٍ منيفــــــــه

ولا كل مــــــن راد المعالي صعدها

نشوقها شـــــــــوق الوليف لوليفه

أسس لهـــــا العود وجنينا شهدها

ناقف لها لــــــــــون الحليف لحليفه

وتاقف لنا بين القرى و مـن نشدها

أخير مـــــــن عشق الغزيل وطيفه

لــــــــن الكنوز وداعة اللي رصدها

إن مــــا لفت عفه وجيت انت ريفه

ابشر بعيدان الحطب في مسدها

وطير الحجل لا يخدعك في رفيفه

علـــــى درجة الشنير يدرج ولدها

هــــــــذي مجالسنا وهذا قطيفه

طيب الحرار يبان لحظــــة هددها

واخير منها مــــــــا تبعه الخليفه

مرسول قيصر في زمانه حمدها


hglJJJJJJJJJJJJJJJJhg `gS ggkt,s hgqudti