انظر لوجهي وشوف الحال لا طالك
واقرى عيوني اذا ما بـان خافيهـا
وشق الخفوق وترفّق فيـه تمثالـك
ذكرى بقت لي وخلق الله حواليهـا
للحين صابر على خبـرك بزلزالـك
يومك تشبه لضى الفرقا وصاليهـا
مير أجهدتني على حلـك وترحالـك
روحٍ تناجي في بعدك يـا مخليهـا
الحزن فاله عسى الله للسّعد فالـك
يامن تسمى مبين النـاس غاليهـا
الشوق جمر وكما النسناس غربالك
والصـد شلفـا تقلبهـا وتحميهـا
وعذالي اللـي تـوز وزود عذالـك
لين إتلوى علـى كبـدي وتركيهـا
لك الله إني نثرت الحب فـي جالـك
لين أدنت اطيب ثماره وانت جانيها
ما تدري انها ضمت من عقب همالك
ما تدري انه تعـب قلبـي يداريهـا
لا هنت ياللي تسوق المزن بوصالك
تعال وشفها عقب ركدت سوافيهـا
قامت تغذا على عرقٍ مـن اطلالـك
من غبت عني ودمع العين ساقيهـا
رحت اتمنى تقلّط لـي مـن دلالـك
ورحت اتمنى جراحي انك تداويهـا
ومن زود حبك بظلمة ليلي الحالـك
يا كثر أردد حروف اسمك واغنيهـا
لو كنت أدوّر سواك تظن بالجا لـك
يا كيف ادوّر ورجلي كيف اعنّيهـا
لا صار قلبي معك والروح في جالك
حرام أمده علـى دربـك وتثنيهـا
أدري زماني زمانك كل شي هالـك
وتُبكى عيونٍ بقت تبكـي غواليهـا
لكنه اصدق شعوري مـن تهيالـك
كوّن مشاعر بصدري ما اقدر اخفيها
خلف الضلوع النحيله كم تبقا لـك
يا كثر ماهي اهوالٍ بـي مسويهـا
كل يوم اقولن يموت وادفن اهوالـك
ويمر طيفك على الميتـه ويحيهـا
لنه يجيني بعطرك بسمتـك شالـك
وتظهر ملامح على وجهي واخبيها
من خوفي اللي يشوفه يذكر افعالـك
وأكره بقايا غرامي لـك وامحيهـا
لني عشقتك قبل لا اجلـس إقبالـك
عندي تقدي عن السكبـه مباديهـا
اذكر زعلنا وقلت السبـه اشغالـك
قلت احترق به لجل عينـك اهنيهـا
واذكر زعلنا وكان بسبـة اعمالـك
وقلت أتصبر وسقت رضاك تاليهـا
ما كن قلبي وروحي إلا من عيالـك
وما كنك الا على التقـوى مربيهـا
لا قلت غيبوا غدو في تقوة ظلالـك
ولا قلت ابيكم لفو من قبل تنهيهـا
وش اللي تريده مدامه حالتي حالك
اقرب وارفق بنفسـك يـا مشقيهـا
بقلمي ارجو ان تنال على رضاكم
رد مع اقتباس
المفضلات