شرهــت احــباب
البرد قارص والشتا دق الابواب
والليل هيجن واسمعي طقت الطار
والريح تصرخ بين جرف ٍ ومرقاب
والدرب موحل والسما برق وامطار
يابنت مافيني على بذل الاسباب
هات الحطب وادني معي شبت النار
اشره عليك وشرهتي شرهت احباب
مابيننا نعرة قطيعه ولا ثار
اشتقت لك شوق ٍ سرا يمك اسراب
يعبر لك العالم مسافات واقطار
يا اغلا من اغلا ماحوت شعث الاهداب
همسي صهيل ونشوتي نشوة الزار
طاح الرذاذ وذبت والشمع ماذاب
وكثبان شوقي من طواريك ينهار
ذع ذع شمالي وهتن الغيم سكّاب
وابتل ثوب الارض واجتث الازهار
لسع الصقيع ولسعته كنّها الداب
وباب الدفا قفّل وانا خلف الاسوار
وشد البدو يابنت ماحولي اعراب
وحيد لاصاحب يسلي ولا جار
غبتي وبارق صورتك لاح ماغاب
تبكي النسايم منه وتون الاشجار
شفت الاماني والفرح بعدك اجناب
ودرب التلاقي بيننا عمر واسفار
اخاف يجمعنا الزمن مثل الاغراب
والا تفرقنا تصاريف الاقدار .. !!
قصيدة رائعة
اعجبتني فوضعتها لكم لتستمتعوا بقرائتها
رد مع اقتباس
المفضلات