ودي أسألك .... !
حبيبتي ...
ودي أسألك
عن لحظة الفرقا
لو صادفت قلبك
في ليله سهر طرفك
ويمكن حتى في نومك..
تشوفيها..
تسمعيها..
تعيشيها..
في حلمك..
وش يكون حالك بعد صحوك..
بتفرحي..... بتزعلي
بتضحكي.... بتبكي....
هذا مصيرك إنتِ إختاري إللي تبي.
بس أرفقي بحالي كثير عذالي
ولا تظلمي نفسك ولا يخدعك ظنك..
وخلي على بالك لو إنكسر مجدافي
وسط بحرك ومت في أعماقك...
تأكدي لو طول غيابي
راح يجي في يوم ترميني أمواجك
على شاطئ الحرمان وتذوقي آلامك....
وأصير ذكرى للي رحل
وما قدر يجرحك
رغم قسوة جراحك....
هذي مجرد حروف
كاتبها عاش بصمت
في لحظة غيابك..
أواه يا عمري لو تدري عن حبي
ما باع قلبك ،
وإرتضى فيني الجراح....
وكان مناي أشوف عيون
غابت عن عيوني..
أبي أحس بعطف يملأ فراغ فيني....
قلبي إللي مات مظلوم
تمنى لو مره ينام في حضنك..
وبعدها بكيفك إذا تبيه ضميه
وإذا كرهتيه إرميه
ما عاد هو همه كثر الجروح منك....
تعوّد يموت مرات لخاطر أعيونك..
أتعبني يا طيفي ذاك الوداع
إللي حروفه نزف وجروح
عيت تروح من خاطري....
يا رب يا ربي أبعد لحظه الفرقا
عن دربنا يارب..
وإذا على الوعد.....أنا على وعدي
باقي على العهد ولا يمكن اتغير
وأنتِ إذا ودك تعرفي عني
إسألي طيفي
لو مر من جنبك
كم مره أنا
أحبك وأعشقك وأهواك...
شوفي غلاك فيني في داخلي كيف...
ما راح تقدري في يوم تنسيني...
غصب عنك
ماهو غرور بالعكس هو طبعي
كذا من خلقني ربي وربك...
لقيت الوفاء والطيب
مخلوق في ذاتي وعاداتي
في نهاية رحلتي وحزن بأسبابك
بأهديك قلب مات....وأسبابه عنادك...
قسماً بمن خلق الجمال.. كحسنك لم أرى..
سحراً كسحركِ..أعاد عمري للورى..
منقوووووووووول
رد مع اقتباس
المشاركة الأصلية كتبت بواسطة دروب المحبة
المفضلات