اسمع عن آخر حلم شفتـه برؤيـاي
أغلبـه يصبـح حـق والله يـهـدي
تدري بنهاية قصتك إنـت ويـاي ؟؟
صحرا وظلمه والمصيبـه لوحـدي
بعد الوفا والحـب خانتنـي يمنـاي
جرحي نزف من قرب والقرب بعدي
بعض الجروح اتزول بالدمع والنـاي
والبعض تبقى لو بـالارواح تفـدي
جيتك أنـا راجـي سعـاده بدنيـاي
شفتك عنا ما بيـن قلبـي ورشـدي
صبري بحوري موجها مثل مبـداي
حلمي شعوري والصدق فيه شهـدي
واصل دروبك بالهنـا دون شـرواي
وأنا بواصل حلمي ابوسـط سهـدي
مرساي ضايع وأصبح الحزن مرساي
وماعدت أميّز بين مزحـي وجـدّي
صبرت واجد والصبر فيـه شكـواي
مير الكواكـب والمجـرات ضـدي
خلنا انتباعد والهنـا عقـب فرقـاي
لا دمع .. لا أشواق .. لا حلم يبـدي
لتظن ودي بالمفـارق يـا مضنـاي
انصت لنبضي .. بعدها شوف خدي
بـس القـدر وده تخليـه مـسـراي
هذا القدر فـي دنيتـي مثـل سـدي
ارجوك لامن خذت موعـد بنجـواي
خـل الذكـر بالخيـر دايـم يهـدّي
رجواي تاخذ هالسحايـب برجـواي
واتهل فأرض ن دون ناس ن تعـدّي
رد مع اقتباس
المفضلات