مساء الورد
♣
ا
♣ .. بتغيب غيب .. ♣
♣.. كلمات : العالية .. ♣
♫ .. الحان : سهم .. ♫
بتغيب غيب براحتك ما جبرتك
تعرف مكاني لا بغيته تدله
ولا تحسب اني فغيابك عذرتك
بعض الغلا ما يستمر بمحله
آمنت بوطاك وندمت وكفرتك
مبدأ لقيت ان الخيانه تحله
كنك يمين و ما قصدت ونظرتك
احيان تنهي راحة البال زله
اعمى وردوا لي العيون ونظرتك
اثرك ابد ما تملي العين للّه
كنت الظلام ويا هناي ان سهرتك
واثر بسما غيرك نجوم واهلّه
ما اكرهك .. منك اعتبرت و عبرتك
دوم التجارب توصلك للادله
بيني وبينك عشرة ولا نكرتك
ماني من اللي ينكر بيوم خلّه
---------------------------------------
2
♣ .. باكر ..♣
♣.. كلمات : ناصر القعيمة ..♣
♫ .. الحان : ياسر بو علي .. ♫
باكر على ما صار تندم و تبكي
ولا اسمعك لو جيت تحكي وتحكي
سامحتك اكثر من خطاياك واكثر
من جرحك وهمّك ولا جيت اشكي
مسكين يا مسكين ولّا زمانك
رسبت في اول سطر في امتحانك
خاين وانا الخاين ما اعدّه حبيبي
هذا ثمر زرعك و هذا جنانك
اليوم جا وقتك تجرّب عذابي
تقرا ولو سطرين باول كتابي
انا خلص دوري وهلحين دورك
من غيّرك خل ينفعك في غيابي
-------------------------------------
3
♣ .. دام ما همّك ..♣
♣ .. كلمات : معتزة.. ♣
♫ .. الحان : ياسر بو علي ..♫
دام ما همك لحظه غيابي
ليه انا بهتم وارجي وجودك
انا ما اقدر ارضى بعذابي
وليه انا اتعذب وانت بجمودك
فمان الله .. دربك تدلّه
وخذ معك طيفك وباقي وعودك
عطيتك القلب والشوق شوقين
واليوم انا بنزعك من اقصى ضلوعي
يعني وان صار بشتاق يومين
وان بكت عيني بتنشف دموعي
وانت ياللي
كنت خلي
ابسألك بالله .. تنسى رجوعي
كنت خايف لا اضيع عقبك
واثر انا اللي كنت ضايع فقربك
انا احمد الله شرّك كفاني
واحلوت الدنيا بعيني في بُعدك
ابيك تذكر
كم كنت اصبر
والله ما تلقى من مثلي يحبك
------------------------------------
4
♣.. لا حظت شي ..♣
♣ .. كلمات : سعود البابطين ..♣
♫ .. الحان : سهم ..♫
يعني ما لاحظت شي
يعني ما حسيت اني
شايل فقلبي شوي
ولا عادي صار عندك
كل ما زادت جروحي يزيد بعدك
ولا قلبك ماهو فاضي
انه يسال يوم او يقلق علي
يعني ما حسيت اني
شايل فقلبي كلام
يعني ما حسيت فيها
نبره مليانه ملام
ياخي حس شوي فيني
كل شي باين في عيني
انت راضي قول راضي وانا بنساها عليك
بس تاكد اني شايل همي وهمك وابيك
كله شويه وبهدها
و اعتبرها جرح وعدا
تحياتي لكم/ناناة
رد مع اقتباس
المشاركة الأصلية كتبت بواسطة الاسطورة
المفضلات