الدهــــر ..

**سعودي في هوى الاردن** · 24-01-2010, 03:45 AM

وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحـك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه من خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق من حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعـض الاقطـار
في رحلة(ن) ماغيرت مـن طبوعـه
والله ماواطن عيشـة الـذل والعـار
مادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير من التـرف والميوعـه

لـــــكم خالــــــص التـــــحايــا ...

**الاسطورة** · 24-01-2010, 03:41 PM

سلمت لما نثرت بيننا
من جمال الاناغيم بالمعاني والحروف
جميل منك
تقديري
[IMG]http://upload.*************/images/x2mkz8wacct87217xe.gif[/IMG]

**سعودي في هوى الاردن** · 25-01-2010, 12:19 AM

الأســـــــطورة

حظورك المميز يزيد القصيدة روعة ...

**رمز الوفاء** · 25-01-2010, 10:43 AM

اشكرك على الانتقاء الرائع للكلمات

لك كل الامانى الطيبه

ورودى

**زهر الربيع** · 25-01-2010, 11:13 PM

ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحـك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
يسلموووووووووووو كلمات في غاية الروعه والحكمه
مشكووووووووووووور اخي