لا يــاحــمـد لاتــبــحـث الأســـبــاب = والـــوقــت لا تـــامــن عــواقـيـبـه
وان كـانـهـا تـحـقـيق واسـتـجواب = ســجّــل ودوّن كــــل مــادلــي بـــه
الــحـب بــلـوى والــهـوى غـــلاب= وويـــــل مـــــن طــــب بـغـيـاهـيبه
ويــاوالله الـلـي مـاحـسبت حـساب = رجـلـي طـريـق الـحـب تـمـشي بـه
وانا ادري ان الحب حرب اعصاب = والـمـسعد الـلـي سَـلْم مـا بـلي بـه
لــيــمـا بــلــيـت بــمـتـرفٍ جــــذاب = مـاغير اهـوجس بـه واهـذري بـه
غــــروٍ لـــك الله يـسـلـب الألــبـاب = بـالـسـلـهـمة والــمـلـح والـطـيـبـه
مــاكــنـه الا والـــغــزال اقـــــراب = مــــــن دون لاشــــــكٍ ولا ريـــبــه
عـاشـق عـيـونه فــي عـيـونه ذاب= ذوب الـذهب وان سـلهم غـدي بـه
رمــشـه كـتـيـبه والـعـيـون كـتـاب = تــاصــلــك لاســلــكــي مــكـاتـيـبـه
شـلـفـا ذيـــاب وفــي يـمـين ذيــاب= يــاعـنـك مــايـبـرى مـــن تـصـيـبه
تـصـوب الـعـاشق بـعـكش اهــداب = وبــنــظـره تـــوديــه وتــجــي بــــه
أهـــواه واهـــوى لـيـله الـمـنساب = واسـري مـعه واضـيع واسري به
واهــيــم وادخـــل جـــوه الــخـلاب= واطــرب واغـنـي لــه واغـنـي بـه
واعــيـش جـــو انـشـودة الـسـياب= واغـيب واصحي به ولا اصحي به
وان مـــر طـيـفـه ســيّـد الأحــبـاب = وانـــا بـنـومـي قــمـت اهــلـي بــه
افــــز بــــه وافـــز لـــه بـاعـجـاب = ضـــيــفٍ تــهــلـي بــــه مـعـازيـبـه
لاوعـــــي لاتـمـيـيـز لا اسـتـيـعـاب = الـزيـن مـاسمع بـه ولا اوحـي بـه
عــاشـق عـيـونه يـاحـمد مـنـصاب = والـمـوت كـانـه مــات مــادري بـه
يـادمـعـتـيـن ونــظـرتـيـن عـــتــاب = لــلـجـادل الــلــي صــــده مـصـيـبه
أتـلى الـعهَد بـه فـي أغـسطس آب = الـفـيـن وخـمـسه ذاك عـلـمي بــه
أسـهـر وقـلـبي يـاحـمد مــن غـاب = والــهــم يــقـبـل بـــه ويـقـفـي بـــه
ابـــــا اتــمـنـى والــبـخـت جــــلاب = يالله عــسـى الاقـــدار تــومـي بــه
يـلـمـلم شــتـات الـهـايب الـمـرتاب = ويــبــعــثــره ويـــعــيــد تــرتــيــبـه
ويـمـد لــي مــن بـعـد طـول غـياب = فــنـجـال واقــــدع مــــن مـذانـيـبه
رد مع اقتباس
المفضلات