حضرت وعيون الرجال حراب وعيوني حراب
ووقفت من بين النشامى وقفتٍ يدراى بها
أقد وجيه ٍ تقدرني وأحسب الها حساب
وأصد عن بعض الوجيه ولا حسبت حسابها
جات البدايه هكذا يما خطا ولا صواب
لكنها فكرةٍ عسى ربي يجملنا بها
حمستها بالراس حمس البن يوم الكيف طاب
ومن طيب نكهتها طمع في شربها صبابها
وفوحتها بين المحاني لين فيها البن ذاب
وقندتها من فكري اللي ما يطيب الا بها
يوم استوت قدمتها لوجيه سمحين الجناب
ما كنها الا دلةٍ تبرى خوا شرابها
صحيح شاب الوصف لكن من يقول القاف شاب
الا على روس الطوال النايفات رقابها
شاعر وحقر الهينه ويشوش راسي للصعاب
مانيب حيلا ليا شاف الصعاب يهابها
اغرف بحر واقطف زهر وانحت على صمّ الهضاب
مثايلٍ تبطي وهي عند العرب يحكى بها
هذه الابيات للشاعر صالح المري
وسلامتكم أحبتي
عاشق المقناص
رد مع اقتباس
المشاركة الأصلية كتبت بواسطة {my casanova}
المفضلات