على العهد
على العهد
على العهد يا خلي ورب البيت ما خونك
لأنك زينة أيامـــــــــــــي ولا غيرك يحليها
تعاف العين لذة نوم ليلـــي ما غفت دونك
ولا تسمع ندا غيرك ولـــــــــو إنه يناديها
معاك أشعر بأني دوم سيد من سكن كونك
وإني ظلمةٍ مــــا لـــه سوا نجمك يضويها
لأني مــــا خُلِقت إلا لكي أعشقك وأصونك
أحبك مـــــــــــا توفيني على كثرة معانيها
تسير جيوش قيفاني أريده توصف عيونك
أعسف حروفها لجلك مــــن أولها لتاليها
أسوقه جدها بليهان حملـــــــه حبٍ يجونك
ولا تقدر توصل ربع مــــــــا عندي لغاليها
ولا منك طلبت الروح فزت تنتخي عونـــك
جتك أسرع مـن اشعيلان ضني ما يجاريها
وقيد الشوق لا شبيت مـــا ضنيت يطفونك
على كثرة سواني القوم مــا قدَّت سوانيها
أشده بيت تلوه بيت ولا وصلت مضمونك
خصالك يا عزيز النفس مــــن يقدر يوفيها
أبي تسمح بتقصيري فريدٍ سيدي لـــــونك
أسولف لك عـن أحوالي وأيامي وما فيها
أبداها بأحلاها لا مـــــــــــن قلتها شلونك
أقول بلهفةٍ مشتاق مــــــــــا أقدر اخبيها
لا من قلت أنا أحبك تصد وترخي جفونك
عساني مــا خلا منك ومن نظرات تبديها
لكــــن أقصر أقوالي لأن القلب مجنونك
إذا مــــا جيت أرتبها كرات الدم يسقيها
لأنك من صغر سنك شبكت القلب بفنونك
عبوس النفس يا خلي فلا غيرك يسليها
طلبتك طلبة الشفقان لا لبيت ممنونــــك
عبوس النفس يــا خلي فديتك لا تخليها
شف أنغام أبو نوره لماكن بـه ينادونك
كأني بـه إذا غنّى على شانك يغنِّيها
رد مع اقتباس
المشاركة الأصلية كتبت بواسطة رفيق الاحزان
المفضلات