………يا طروش …….
يا طروش يالي ناحرين المراقيب
تريضولي واقصرو من خطاكم
واخذو كلام الصدق ما به تكاذيب
ويا موافقين الخير حنا وياكم
وهديت بكم راجل بوادي سلاحيب
ولاقيت بالصبحا مدافيج ماكم
وثمان سنين وارطب القول ترطيب
والتاسعه و انا اترجى حداكم
وجتكم عن الوعر مع تداريج
ومن خوفي عايل يجهد بلاكم
واسعى مع الخلقات وارافق الذيب
ومن خوفي ما ينقص عليكم عشاكم
ويا علي ما سرحتكم مع الاجانيب
ولا على السقعه كليتم غداكم
ويا علي ما ضربتكم بالمصاليت
ولا سمعت الجيران جظة بكاكم
واحفيت قدمي في سموم اللواهيب
وخليت لحم الريم يخالط عشاكم
وقمت اتعكز فوق عوج المزاريب
وقصرن خطاي يوم طالن خطاكم
وما دام خوالكم مروين المحاريب
وما تعلموني منين الردى جاكم
وهظام يا جيل الخنا كلهم عيب
يالي على الوالد كثير لغاكم
وتروشون روش النعاج المهاريف
ولا حديه يا علي من سناكم
وانتم تبعتم كلام كثيرات اللواعيب
مع المعزة سود الله قراكم
وريت العذارى لا تحبل ولا تجيب
ولا حدا من الولدان يمشي وراكم
وعسى قمركم لا يطلع ولا يغيب
والشمس مطمية وتعتم سماكم
رد مع اقتباس
المشاركة الأصلية كتبت بواسطة rere
المفضلات