أسباااااب بسيطه
"إنت ليه مش بتمسك إيدي وإحنا ماشيين في الشارع؟"
"لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إن شاء الله يا حبيبتي بكره نتخطب وامسك إيديكي ادام الدنيا كلها".
.................................
"إنت ليه مش بتمسك إيدي وإحنا ماشيين في الشارع؟"
"علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال".
.................................
"إنت ليه مش بتمسك إيدي وإحنا ماشيين في الشارع؟"
"يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله".
.................................
"إنت ليه مش بتمسك إيدي وإحنا ماشيين في الشارع؟"
"يعني امسك إيدك والا امسك إيد البنت والا اشيل الأكياس دي كلها؟!"
.................................
"إنت ليه مش بتمسك إيدي وإحنا ماشيين في الشارع؟"
"إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟!"
.................................
"أنا بس كان نفسي تمسك إيدي وإحنا ماشيين في الشارع...عادي يعني...من غير مناسبة أو هدف محدد...بس تمسك إيدي...ماكنتش عاوزاك تمسكها علشان تسندني أو علشان أنا مش قادرة أمشي لوحدي مثلاً...أو علشان ده الصح اللي مفروض تعمله مع مراتك وهي عيانة...ولا علشان...زي دلوقتي...أنت خايف لو سبتها وقمت هاموت...لأ...تمسك إيدي علشان أنت عاوزها تفضل في إيدك...بس"........
مع كل احتراااامي لأهل مصر ... أم الدنيا ....اللي بحبهم كتيييييييييييير....
مختاااااارة...
رد مع اقتباس
المشاركة الأصلية كتبت بواسطة سيد الامنيات
المفضلات