النتائج 1 إلى 5 من 5

الموضوع: شبــــــه الجزيره

  1. #1
    عضو
    تاريخ التسجيل
    Wed Sep 2007
    العمر
    29
    المشاركات
    1,131

    شبــــــه الجزيره

    شبــــــه الجزيره

    شبــــــه الجزيره


    يالله ياخالق اراضين وابحار الواحد المعبود رازق عبيده
    الخالق الغفار علام الاسرار وفرق شعوب الارض في كل يده
    وابدي واسولف من عذيبات الاشعار ابيات شعر والمعاني وكيده
    اشري وابيع واعرف كيف بختار واختار من جزل البيوت الفريده
    وذ كرتراث وعز وامجاد وافخار قبائل تومن بدين وعقيده
    وصلت حضارتنا على سطح الاقمار ابنا الجزير والجزيره مجيده
    في ظل حكام لهم فعل واشوار آل سعود اللي تفك الضهيده
    نسل الزعيم الحاكم العادل البار مجدد امجاد الجزيره بجيده
    حتى اصبحت حره وحنا له انصار في ظل اخو نوره هنوف سعيده
    وصارت لابو تركي بطوله وتذكار والفخر والامجاد تبقى شهيده
    وخلف لنا املوك لهم فعل واخبار الشعب واحد والقياده رشيده
    والامن بانينه على ساس وجدار وقرو على العابث عقوبه شديده
    وحنا حماة الدار من كل غدار وما همنا بطشه وخبثه وكيده
    قبائل مالحقناهم اوعار وعشنا بهذي الدار عيشه رغيده
    والحمد لله نحمده سر واجهار شعب تكاتف من سنين مديده
    ودون الوطن جيش على كل معبار لارفرف البيرق ونادى عقيده
    بشرق البلاد وغربها دوم حضار وارض الشمال اللي نفوده مديده
    وارض الجنوب اللي تخيضر بالاشجار جزيرة فيها القبايل عديده
    ارض بها قحطان وافين الاشبار وياعز منهم بالشدايد بسيده
    واذكر عتيبه يوم للطيب مغوار لا ثارت الهيجا وقرب ضديده
    وشمر هل الطولات والجود مقدار اهل الكرم واهل الفعول الحميده
    وقوم اعنزه مروين الاخصام الامرار اولاد وايل من عصور عهيده
    ومطير قوم تكرم الضيف لا زرار وياويل خصم في حراهم وعيده
    واذكر قبيلة حرب يانعم الاخيار وتاريخهم يحكي سطور مجيده
    وسبيع نعم القوم ووجيه الاسفار زبن الدخيل ليا زبن من طريده
    واذكر قبيلة يامي والطيب يندار اهل العلوم الوافيه والرشيده
    ثم الدواسر تجعل الخصم منهار عيال زايد عز منهم سنيده
    ثم السهول اللي لها الطيب مدرار وعن منهج العادات ماهي محيده
    ثم اذكر العجمان حماية الجار والمرجله والجاه فيهم عتيده
    واذكر بني مره طويلين الاعمار ما ينقد المري ولا له نقيده
    ثم الهواجر لابة تقدح النار اهل الركاب اللي خطاها بعيده
    واذكر بني خالد قبيلة وامار قوم لهم في المجد قول ورصيده
    وبني تميم اللي لها الطيب مصدار بني تميم وكل فعل تجيده
    ثم الزعوب اللي بها الخصم يحتار شجعان ماترضى سوا ماتريده
    العازمي وافي وفي الطيب بيطار روحه على كل المصاعب صميده
    ثم الظفيري في المصاعيب جبار والطيب والامداح باصله وطيده
    ثم اذكر الاشراف بجلال واكبار اهل الحجاز اللي تفك الزهيده
    ثم الهذيلي له مواقف ومندار راعي الفخر راعي العلوم السديده
    ثم البقوم اللي لهم جيش وامهار ريف الضيوف ليا لفاهم وليده
    واذكر ثقيف اللي لهم مجد وآثار ومهما حسبنا من كلام نعيده
    وبلحارث اهل العز بشهود واقرار ا لحارثي ياطيب فعله وجيده
    والمالكي معروف لا صار ما صار في موقف اهل الطيب يبذل جهيده
    واثني تحياتي عدد وبل الامطار على سليم وكل خصم تكيده
    واذكر جهينه هل مواقيف وادوار تلقى الجهيني راسم الطيب بيده
    واذكر بلي والمجدله فعل واظهار وتاريخهم يحكي فعول فريده
    وبني عطيه في المواجيب حضار قوم بوقت الجد قوم عنيده
    ثم الحويطي والكرامه له اشعار ثم الشراري له فعول مفيده
    ثم الرشيدي في الصعيبات صبار على علوم الطيب فعله يزيده
    وباقي جنوب الدار والقاف مادار باقي على قلبي كلام واشيده
    زهران نعم القوم في وقت الاضرار والخصم عينه من لقاها سهيده
    والغامدي معروف له عزم واصرار راعي المراجل والعلوم المفيده
    وشمران قوم والجمايل لها اطوار وبلقرن سم للقلوب النكيده
    والمحلفي مابعد بار والحارثي طيبه وفعله يشيده
    وبني شهر وبني عمر سيف بتار قوم على الاخصام نار وقيده
    والاسمري والاحمري صيتهم سار بين القبايل والمواقف شهيده
    واذكر عسير الهول ذربين الاذكار وابها احتموها فالسنين الشديده
    وادهم والصيعر على حد الاقطار يحمون حد الدار من اللي يريده
    وامشي مع الساحل مع جمله افكار رسمتها والطير زان اتغريده
    وانزل على جيزان تاريخ واديار ورجال فيفا والقبايل عديده
    وارجوا العذر واهل المواجيب عذار الي نسيته مانذكر في القصيده
    الواهبي عدد ابيوته بالادوار من شاعر ماشل قلبه حقيده
    شهران ربعي هم هل المدح والكار واهل الكند واهل السيوف الجديده
    يوم البلد مايامن الزند لاثار زيزومنا ابن مشيط نعم الوليده
    فالجهل شجعان وفي السلم تجار من بطن بيشه للتهم لارفيده
    حبيت ابين موقفي بين شعار وارجوا سموحتكم على ذا النشيده
    ماحب انافق واتعنصر تعنصار ولا ني باطيع اهل العقول البليده
    ما كل من طب البحر قيل بحار وما كل من شل الفشق جاب صيده
    فالشعر بستان به ورد وازهار واللي تعداها بيوته فقيده
    واقولها في الشعر تكرار وامرار ضرف بلا عنوان يلغى بريده
    وبعض السوالف له مواقف ومحضار وشعر بلا معنى لزوم نبيده
    وصلوا على المرسول شفاع الابرار محمد الهادي وقدوة عبيده




    ظـــــــــــــــــل مجد بلادي الله يحيمهاااااااااا وداام خيرر بومتعـــــــــــب


    تحيااااتي
    رووح
    منقول



    afJJJJJJi hg[.dvi


  2. #2
    عضو
    تاريخ التسجيل
    Fri May 2007
    الدولة
    بالقرب منك..
    العمر
    73
    المشاركات
    12,495
    روح والنعم بملوك السعودية
    والنعم بكل القبايل
    والنعم فيك

    واشكرك على هذه القصيدة الرائعة
    وصح لسان قائلها...

  3. #3
    عضو
    تاريخ التسجيل
    Wed Sep 2007
    العمر
    29
    المشاركات
    1,131

    صــــح بدنك
    والنعم فيك وبااصلك
    الله يحيك
    واشكرك ع المرور والرد
    تحيااااااتي
    رووووح

  4. #4
    عضو
    تاريخ التسجيل
    Mon Jun 2007
    المشاركات
    433
    و[glow=66FFCC]شمر[/glow] هل الطولات والجود مقدار اهل الكرم واهل الفعول الحميده

    والنعم في باقي القبائل

    حفظ الله الــــ سعود من كل مكروه ونفع بهم البلاد والعباد

    صح السانك روووووووووح

    سلمتِ على هذة القصيدة

  5. #5
    عضو
    تاريخ التسجيل
    Wed Sep 2007
    العمر
    29
    المشاركات
    1,131
    هلا وغلا بااهل شمــــر
    منور والله
    صح بدنك
    واشكرك ع المرور والرد
    تحياااتي
    روووح

المواضيع المتشابهه

  1. اسماء المبشرون بالنار ,.
    بواسطة حالمه في المنتدى المنتدى الاسلامي العام
    مشاركات: 9
    آخر مشاركة: 13-02-2010, 02:07 PM
  2. نعي فاضلة
    بواسطة asb35 في المنتدى منتدى المواضيع المكرره
    مشاركات: 0
    آخر مشاركة: 29-09-2009, 01:10 PM
  3. بايرن ميونيخ يهدد ريال مدريد باللجوء للقضاء
    بواسطة مشهور في المنتدى منتدى الرياضة العربيه والعالميه
    مشاركات: 6
    آخر مشاركة: 24-07-2009, 08:11 PM
  4. ::::حتى الجميد الكركي وصلت له المافيا::::
    بواسطة Rhythm of Rain في المنتدى منتدى سوالف وسعه صدر
    مشاركات: 12
    آخر مشاركة: 17-06-2009, 12:55 AM
  5. أوهـام وأحـزان نيسان
    بواسطة ميلانو في المنتدى المنتدى العام
    مشاركات: 5
    آخر مشاركة: 31-03-2009, 06:34 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
معجبوا منتدي احباب الاردن على الفايسبوك