اكيد اني انا المذنب
تراها الليالي تمر ولا مره مسكت ايدك.........
لذيذ النوم ما شفته وزولك دايم اترقب
حبيبي عهدنا باقي يحدثني بمواعيدك........
عهدك ليه خالفته وعهدي فيك ما يكذب
يعذبني العنا كل يوم وانت في حلا عيدك.........
سعيد بغربتك عني وانا المجروح واتعذب
وانا اللي دوم عذبني وجع قلبك وتنهيدك......
اعيش بدنيتك وحدي واخاف الهم لك يقرب
قطعت الوصل يالغالي وتعلقت بعناقيدك........
وقلبي والهنا وانت حلفنا ما نخون الحب
انا اعذاري اقدمها وروحي في مواقيدك........
عساك انك تسامحني ولا مني ابد تغضب
انا خدام لعيونك تحت امرك وتحديدك........
انا وانت قصيدة حب اكتبها وانا اكتب
احبك حب خلاني اكون الخاتم بأيدك ........
انا بستان لعيونك انا لاقدامك الملعب
انا اسف اذا كنت السبايب يوم في كيدك.......
واذا كان الاسى منك اكيد اني انا المذنب
واذا كان الاسى منك اكيد اني انا المذنب
فايز الحسبان
رد مع اقتباس
وانا اللي دوم عذبني وجع قلبك وتنهيدك......
المفضلات