اعجبتني هذى القصيده الرائعه للشاعر الرائع
خالد الشامخ
اتمنى تعجبكم
--------------------------------------------------
دام الدفَى مستمدّه .. من شمُـوس أمّـي
مايسكـن البَـرد لله .. يـوم بعظامـي
ومَدام وابِل سحايبهـا .. غَمَـر كمّـي
ماكُون بـإذن الله بيـوم ٍ أنـا الظامـي
يفُوح مَع ذكرهـا النعنـاع مـن فمّـي
ويصِير دَربِي خَضَر .. وأَنـوَار قدامـي
لو تطلب الروح .. قلتْ : تفضَلي / سَمّي
حلالَها العمـرْ .. بـأوّل وآخِـر أيامـي
فدوَة لعين العَزِيزَة .. نَبضِـي / ودمّـي
ومن هامتِي لين تاصل لاخمَص أقدامـي
اللي مساهَـا نَهـارٍ .. يشعلَـه همّـي
واللي تضِيق إن دَرَت فـي كـل آلامـي
واللي تجُوع وتمـد الخبـز مـن يمّـي
البرّ فِيها / ورضَاها .. لِي هَدَف سامـي
ماقُول مستَغنِي عَن خَالي وعَـن عمّـي
أقُـول أمـي خوالـي وأمّـي أعمَامِـي
أحـس مَدحِـي بضَعفَـه يشبـه لذمّـي
أشوفَها شامخة .. وأكبَر مـن أَقلامـي
ماقُـول غيـرْ الله يطـوّل بعمـر أمـي
اللي سكنهَـا مابيـن الجلـد وعظامـي
الشاعر / خالد الشامخ
رد مع اقتباس
المشاركة الأصلية كتبت بواسطة no limits
المفضلات