القرده والعبايه
في ثواني العمر يوم الحـظ صايـع
شفت ريمٍ في أحـد أسـواق جـده
العبايـه مخصّـره والجسـم رايـع
والعيون الطايره تجذبك عنـده
لامشت نغماتهـا لـك فـي سمايـع
تضرب اجراس الخطر باصوات نجده
والحقيقه صار طرف العيـن جايـع
وقلت له ياحـظ محبوبـك وسعـده
اشتري النظره منه ما كنـت بايـع
ياحـلاه ومنيتـي هـي شـم ورده
ورحت يمّه غصب عنّي رحت طايع
نتّفـق أو اكثـر الويـلات طـرده
وقمت اغازلها وهذا وضـع شايـع
والرضى في عينها ينبـي بقصـده
وتوجهنـا علـى مقهـى البـدايـع
وامتدحها والمدح عنهـا يابعـده
ياهلي تكفـون ابـي منكـم فزايـع
شفتهـا ياليتنـي ماشفـت قــرده
قمت افكّر يوم صارالوقـت ضايـع
اطلق ارجولك وقم عالبـاب شـرده
من لهف قلبي ومن كثـر الفزايـع
مسرعٍ ورجعت مـن نعلـي بفـرده
يابنات إبليس وش هـذي الصنايـع
كم عريبٍ من هواكم ضـاع جهـده
نسمع ونقرى كثيـر مـن الوقايـع
والفتن لابن آدمـي قبلـه وبعـده !
لايغـرّك زول لـو حالـي اللمايـع
والشجر اخضر ودوده وسط عـوده
يشهـد الله انهـا عنـدي طلايـع
للقيامه وكـل مخلـوقٍ ،، ووِرْدَه
العمر يابـن آدمـي عنـدك ودائـع
واعلموا لايخلف الرحمـن وعـده !
رد مع اقتباس
المشاركة الأصلية كتبت بواسطة محمد الدراوشه
المفضلات