بدري حبيبي توه الجرح ما طاب *** زيدي همومي واجرحي واتركيني
سيف ركزته وسط قلبي ولاهاب *** كملي جميلك اطعني اليوم عيني
مابي عيوني تشتكي جور الاهداب *** ولابي احد غيري يداوي انيني
ماقد طلبتك بس انا اليوم طلاب *** وابي على كثر الرمل تكرهيني
لأني كرهتك صدق ولانيب لعّاب *** صعبه على مثلي خيانة حنيني
ياما جرحتيني بلا اية اسباب *** وهالمرة عاد اقول لا تحتريني
لاتحتري قلب شكى الضيم منصاب *** تعب يذوق من القهر ما يجيني
جرح الكرامه ماهوب جرح كذاب *** عند الكرامه ابيع حتى ضنيني
عودت انا نفسي على جلد وعطاب *** لامن قصرت يمناي بقطع يديني
نفسي عزيزة لوهو العشق غلاب *** ماهنت انا نفسي وتشهد يميني
قلتيلي انساني انا اقول بتراب *** بتراب ابيعك دام بعتي سنيني
خلاص روحي لعنبو قلب ما تاب *** روحي لهوى غيري وغيرك يبيني
الحين روحي اقفلي بعدك الباب *** ابكي على نفسك وبعدين ابّكيني
ملطووووش
رد مع اقتباس
المفضلات