أحبائي
أحببت أني أروي لكم قصة رائعة عن الكرم والكرماء ،،،
فإليكم القصة الرائعة من كريم رائع في زمانه ومكانه
يا كليب شب النار ياكليب شبه ( دغــّــيم الــظــلــماوي )
قالها وأبدعها الحاتمي الكريم المعروف
( دغــّــيم الــظــلــماوي )
ولكن مالذي حدث لـ دغيم الظلماوي من الأمير
محمد العبدالله الرشيد ؟
هذا ما سنعرفه بعد هذه الأبيات فلنتابعها ثم نقرأ القصة
ونعرف الأبيات التي ألحقها دغيم الظلماوي
بهذه القصيدة
/
\
/
\
/
\
/
\
ياكليب شب النار ياكليب شبـــــه
=عليك شبه والحطب لك يجابي
وعلي أنا ياكليب هيله وحبــــــــــه
=وعليك تقليط الدلال العذابـــــــي
وادغث لها يا كليب من سمر جبه
=وشبه إلى منه غفا كل هابــــــــي
باغ ٍ إلى شبيتها بالمشبــــــــــــه
= تجذب لنا ربع سراة ٍ غيابي
بنسرية ياكليب صلف مهبـــــــــه
=متكتفين وسوقهم بالعقابــــــي
سراة ليل وناطحين مهبــــــــــــه
= لا نسنست يا كن به سم دابي
خطو الولد لو به زبون وجبــــــه
=يأتي عليهم من حساب الزهابي
لا باطن الهلباج خطو الجلبـــــــه
= ياحلو خبط اعصيهم بالركابي
اطمر لهم وابدي سلام المحبـــه
=لاجو على هجن يديهم خرابـــــي
مع كبش مصلاخ لك الله نجبه
=لادبر الهين متين العلابـــــــــــــي
والوالمه ياكليب عجل بصبه
=والرزق عند اللي ينش السحابي
تناقل الرواة هذه القصيدة وقالها احد الرواة
في مجلس الأمير/ محمد العبدالله الرشيد
(عظيم نجد وداهيتها) ما بين القوسين للمؤرخ
(العثيمين) ولفت نظر الأمير بيت دغيم
الوالمه يا كليب عجل بصبه
******والرزق عند اللي ينشي السحابي
فقال الأمير هل يعقل أن دلة دغيم طول اليوم والمه ((نهار وليل))
ومن اجل ان يتأكد الأمير من صحة ما قاله دغيم بالقصيده
وفي احد الليالي وبعد منتصف الليل نب على خمسه
من خاصة الخويا بعزمه على المسيار على احد الرجال
دون ان يخبرهم من هو فإتجه بهم قاصدا دغيم الظلماوي
وحين وصلو الى بيت دغيم صوتو ياراعي البيت
فتنبه من نومه قائلا ياهلا تفضلوا
فإذا النار حية والوالمه على جاله فصب لهم منها
فقال الأمير وش عندك يا دغيم تامر كليب بشب النار
فإعتدل دغيم بجلسته فقال :
مده رهن لولاك ما قلت يا كليـب=ولا قلت شب النار وصر موقد ٍ له
في ليلة تجدع سـوات المشاهيـب=نـسـريـة تـلـصـق خـلـيـل لـخـلـه
نطعن بعزك يا حصان الأطاليـب=عسى الذي جمع حزمتك ما يفلـه
ياالجوهر الناريز يالمسك يالطيـب=ياعنـبـر مــن جـربـه مـــا يـمـلـه
تكفـى محاليـب وتملـى محالـيـب=وكــبــد تيـبـسـهـا وكــبــد تـبـلــه
ما تستحي لا يا قليل العذاريب=لو تستحي ما تاخذ الطيب كله
يابو اليتامى والارامل ومن عيـب=وابون لمن صار العصى ثالثن له
ان كان هرجي به عليكم عذاريب=سامـح عسـى مـن عقبـك للمحلـه
وعقب ذلك لما سمع منه قال الامير مدام اني حي كل ما احتجت تجي الي وتاخذ حاجتك من عندي عقب ذلك قام الظلماوي كل سنة يقيض ( ينزل المدينة وقت الصيف ) بحايل ويقولون يبني بيته بشعيب ابو جرف اللي جنوب اعيرج اللي هو الشارع الجنوبي الان لثانوية حائل في المنطقة الشمالية للسعودية.
أرجو أن تحوز على رضاكم
رد مع اقتباس
المشاركة الأصلية كتبت بواسطة الاسطورة
المفضلات