مرحوم يا قرد توفى من شهر
جا يتعلق وطاح من فوق الشجر
الغوريلا جاها سكر من القهر
والحديقة كلها تبكي عليه
الذيابة بعد موته في خطر
والبعير من ضيقة الصدر انتحر
والخنافس محد منهن ظهر
والزرافة قامت تحبحب ايديه
الحمامة دمعها مثل المطر
علمو الارنب وخاطره انكسر
واعتمت عين الخفافيش من السهر
والثعالب لابسة الاسود عليه
بعد موته غلسه كلب البحر
الجرابيع قامت تحفر القبر
نزلوه بالقبر والكل انبهر
والدجاجه برجلها تدفن عليه
جا حمار الوحش وعيونه حمر
انقلب لونه وقبن صار خضر
والتماسيح هاجرت راحت قطر
والسلاحف تدعي وتثني عليه
جتهم الغزلان تبكي والبقر
ومن القهر حطم وحيد القرن الشجر
والضواطير محد منهم فطر
والحديقة كلهم يبكوا عليه
جتهم الغربان تعدي والنسر
وابو جعلان جاهم ويمشي بالحذر
عاشت الغابه في خوفن دهر
موت واحد كلهم يثنو عليه
الاسد جاهم ونصحهم بالصبر
راح لام القرد قلها ذا قدر
هذي الدنيا وذا طبع الدهر
قال ذا يومه ومكتوبن عليه
كلنا يا قردة بنزور القبر
والبشر بيموت والورد والزهر
والبشر بيموت وما وصل البحر
حظ من رب السما راضي عليه
المنولوجست الفنان السعودي : محمد السليم
رد مع اقتباس
المفضلات