النتائج 1 إلى 7 من 7

الموضوع: سوالف شيبان تموت ضحك

  1. #1
    عضو
    تاريخ التسجيل
    Fri Jan 2009
    الدولة
    البتراء
    العمر
    31
    المشاركات
    1,896

    سوالف شيبان تموت ضحك



    هذا شايب رايح للرياض هو وزوجته ومستأجرين شقه المهم مره كانوا راجعين بالليل قال لزوجته خلاص انتي اطلعي فوق وانا بجيب الاغراض معي عاد هالشايب مسيكين التناحه عنده تمشي الف..بعدين يوم طلع يقول انا مدري شقتنا اللي يمين ولا اللي يسار يقول طقيت على الشقه اللي يسار وفتحت لي الشغاله وادرعم واحط الاغراض بالمطبخ وادخل غرفة النوم وافصخ ثوبي..عاد يقول يوم جيت انسدح بالسرير والقى زوجتي ياحليلها منسدحه ونايمه يقول كان الجو برد ادور الدفى جيت بنسدح جنبها واقرب واشوف وطلع مقفاها موب المقفى اللي انا اعرفه واطل بخشتها واثرها موب الخشه اللي انا اعرفها يقول وبسرعه القط خلاقيني واغراضي وركض على شقتنا اللي على يمين واخذ زوجتي وشغالتي ونروح شقة ثانيه



    وهذا شايب مسيكين صاكته الانفلونزا راح للمستشفى يعطونه ابره مسكنه يقول جاني ممرض هندي بوهته بوهة سباك موب ممرض قلت ميخالف اي شي بس اهم شي ابي ابره مسكنه يقول عطاني الابره شوي الا بديت اتلوى مكاني طلعت ابرة (طلق) حقت الحوامل موب المهدئه اللي انا ابيها يقول حسيت اني بجيب توأم من سري..المهم بعدين راح عند اخوياه قالهم ياجماعة الخير لاتقعدون تفرخون من هالبزارين خلكم على اثنين ثلاثه ارفقوا بحريمكم ترا والله انهم يتألمون الم ماذاقه الا انا.




    نفس الشايب كان رايح للمحمكه المستعجله بالرياض يقول اخذت تاكسي وركبت ورا وانا كاشخ بالنظارات الشمسيه والمشلح واحس ان الهندي سواق التاكسي طوّل بالمشوار قلت هين التسلب يبي يلعب علي انا اوريه يقول يوم وصلنا قلت كم حسابك قال الهندي جيب 40 ريال قلت لا معصي واجلس اتهاوش انا وياه على السعر شوي الا ينزل الهندي طلع واحد مسكر عليه من ورا قلت للهندي خلاص اركب و انا اناظرلك وافتح الشباك واطلع رويسي والتفت ورا واقعد اصارخ على الهندي روح يمين روح يسار ارجع ورا بسرعه الا هو صادم بالسياره اللي وراه ويجي راعي السياره ويجلد الهندي لين ماداخ.



    s,hgt adfhk jl,j qp;


  2. #2
    عضو
    تاريخ التسجيل
    Fri Jan 2009
    العمر
    70
    المشاركات
    7,053
    مشكور دلوعه

  3. #3
    عضو
    تاريخ التسجيل
    Wed Jun 2008
    الدولة
    صانعة رجال البواسل رجال الهيه المملكة الهاشمية
    المشاركات
    169,808
    مشكورة اختي ولو انه في بعض مصطلحات ما فهمتها
    تقديري

  4. #4
    عضو
    تاريخ التسجيل
    Sat Jun 2008
    الدولة
    في عصر المتنبي
    المشاركات
    20,971
    ههههههه

    مشكورة

    شفق على النسوان

  5. #5
    عضو
    تاريخ التسجيل
    Tue Jan 2009
    العمر
    28
    المشاركات
    1,789
    هههههههههههههههههه
    مشكورة اختي

  6. #6
    عضو
    تاريخ التسجيل
    Fri May 2007
    الدولة
    بالقرب منك..
    العمر
    74
    المشاركات
    12,495
    هههههههههههههههههههههههههه

    مسكين ..الهندي

    تسلمي

  7. #7
    عضو
    تاريخ التسجيل
    Sat May 2007
    الدولة
    أم الدنيا وارض الكنانه
    العمر
    34
    المشاركات
    141,562
    ههههههههه

    اشكرك على رسم البسمه

    ودى

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
معجبوا منتدي احباب الاردن على الفايسبوك