الله الله يرحـم ابـوى عـزى وسنـدي
كثـر ماكبـر وهلـل وحـي للـصـلاة
كثر ماحجو لبيتـه واهـدوا لـه هـدي
مسلمين وقصدهم رحمـة الفـرد الآلـه
كثر ماعينـى تعيـد بهـذاك المشهـدى
شاشته باب العناية وابـوى اللـى وراه
ماقدرت اصبر نحى الله صبرى وجلـدى
يوم غطو وجهه وقـال دكتـوره وفـاااه
قلت يالنفس الزكيـه الـى الله اصعـدى
دام هـذا حكـم رب السمـوات وقضـاه
وانسحبت اجر اذيـال حزنـي ولهـدى
ادعى الله ياكريم ارحمه واحسـن جـزاه
ياعيـونٍ دمعهـا سـال ...لالاتصمـدي
خلي دموعك تريح خفوفـى مـن عنـاة
لييه مابكى دام كلمة يبـه ماتنهـدى!!!
منهو اللى غير ابوي ان سمعها قال هاة
يايبه منهو اليـا غبـت جـلاب سعـدى
منهو اللي قبل لابـرد يلحفنـى غطـاه
يايبه منهـو اليـا جيتلـه قـال ولـدي
منهو اللي لا طلبته غمرنى فـي عطـاة
فوق قبره واقف اقول يـا قبـر بعـدي
لين غطت اخر اطراف رجليـه الصفـاه
في يدينـي طيـن بللتـه بدمـع نكـدي
سارح ادعيله وطيني خذاة اللـي خـذاه
بعدها قمت ادفن القبر معهم فـي يـدى
لين ثبتنـا النواصيـب والدمـع بثـراه
ويوم جيت نخيلته قلت مخلوف جهـدي
يوم عدلتك وان ارجي رضا الله من رضاه
قلت حضك هالسنـه يانخلـة بيـي ردي
مات من شربت جذورك وضوه قبل مـاه
مسجده وانتى وانا وحزننا اللي نرتـدي
وكل خطوة تفضح سكونها طقة عصـاه
الله يضلـه بضلـه بـيـومٍ يُشـهـدى
فيه تشهد عينه خشوع والقلـب بصـلاه
رد مع اقتباس
المفضلات