لا يوجد شي اقسى من الجرح


للجرح اسباب متعدده .. ولكن الالم هو الشعور الوحيد المسيطر

ومع وجود الجرح ... لكن يبقى الامل

لن اطيل عليكم .. قصيده في قمه الروعه اعجبتنى

واتمنى ان تنال اعجابكم

:::::::::::::

الـــــجـــــرح الـــقـــاســــي

جرحي اصعب من عرفت و جرحي اقسى من عرفني
لا نوى يكسـر شموخـي صاحـت انفاسـي محـال

ولا نويـت اخفـي عذابـه دمعتـه عنـي خفتـنـي
فـزت عهـود المـودة فــوق نجـمـات اللـيـال

يمكـن انـي مـا فهمتـه وان فهمتـه مـا فهمنـي
دام صـدق اللـي عشقهـا كـان برسـوخ الجبـال

كانـت بعينـي كبيـرة كنـهـا الـكـون وسكـنـي
فاتـح يدينـي وانـادي يـا سهـم مـوتـي تـعـال

انخدعت وهي صدوقه كيـف أجـل لـو ماصدقتنـي
صار كلـي لـي يجـاوب والإجابـة فـي السـؤال

يوم انا له قلت : احبك . قال : ابحيـا لـك ومتنـي
قلت : غالي ولا يهمـك صـرت لاحساسـي منـال

فيك ابعثرنـي والملـم شوقـي اللـي لـك دفعنـي
قال : اساسا ما بقى لـي فـي خفوقـي لـي مجـال

صرت انا من كثر حبي لك .. وليـد اللـي ملكنـي
وان نويـت تشـد عنـي هـاك قلبـي لـك رحـال

قلت : ابد مابيـع شخـص ٍ بـاع كونـه واعتنقنـي
ما يخـون العهـد رجـل ٍ طـوع بصمتـه رجـال

ذا عهـد لـزم ٍ علـي ولا تخيـب يــوم ظـنـي
قال : انا لك طول عمـري شمـس وغيـوم وظـلال

قلت له : عمري حلالك فدوتك .....للمـوت سقنـي
قال : ألا يـا جعـل موتـي قبـل موتـك والـزوال

لا تحضني بالممات ارجوك.... باللطـف احتضنـي
قلـت : انـا والله لسبـق خطوتـك تحـت الرمـال

مـا ثنانـي عنـك درب ٍ لـو غرابيـلـه دهـنـي
بحتـرق لـك ليـن تقطـع نــاري عقودالحـبـال

كنـت انـا مـن زود حبـي لا فقدتـه ...أفتقدنـي
كيـف اعيـش بـدون دمـي دامـه لقلبـي وصـال

شايل بقلبـي غـرام ٍ مـا يمـل خطـاه .... متنـي
عشقـي اللـي تعجـز لوصفـه مشاريـد الخـيـال

لو غدى عشقي سحاب ٍ وامطـر الإحسـاس مزنـي
لا انبتـت ارض البريـه مـن يميـن ومـن شمـال

كنت الـى منـي نويـت اكتـب قوافـي تعترفنـي
يشهـق الحـرف بمكانـه والـورق صابـه هـبـال

والقلـم ضـاع بحروفـه يـوم بسكـاتـه نطقـنـي
كيـف ابسكـب هالبحـور بكـاس... ذا سرالجـدال

ادري انـي مـو بشاعـر والقوافـي قـد نستـنـي
قلت : اجـل عشقـي بقلبـي مالـي بعلـم الجهـال

واثرني كنت اسبق احساسي غلا .. مـا قـد سبقنـي
صرت اعيش او مـا اعيـش بعينهـا كلـه سجـال

كنـت اشـوف بعينهـا لا جيـت كلمـه حيرتـنـي
هــي غــلا ولا جـفــا ولا وفـــا ولا محال

جيتهـا مشتـاق هلـت بابتسـامـة .....غررتـنـي
رحت عنها قالت : احسـن شـر بـس الحيـن زال

ويوم جاني علمهـا ... وشلـون بالغـدر اهدمتنـي
وانا يا غافـل لـك الله .... ظهـري بوجـه النبـال

اغتربـت بنـار جـرح ٍ بالحنـايـا حــرّقـنـي
جيـت اعاتبهـا وانـادي وينـه العـهـد المـقـال

قالت : انساني وهاجر روح بس ارجـوك .. بحنـي
قلت : اجـل تبطيـن عظـم ٍ لـو نقزتـي للهـلال

مالـك بقلـبـي سـمـاح ٍ دام هقـوتـك خذلتـنـي
خلـك تعيشـي كسيـرة بيـن يـاسـك والـنـزال

قالـت : الدنيـا غريـبـة والمخالـيـق قهرتـنـي
قلت : اكيـد ان كـل عـرق ٍ لا تعـدل فيـك مـال

لعنبوهـا مـن حيـاة ٍ دامهـا فـيـك ارخصتـنـي
مـا استحقيتـي غرامـي ولا استحقيـتـك نــوال

قالت : الله يرزقـك بانسانـه احسـن بالـف عنـي
قلت : اساسا انتي اردى مـن مشـى فـوق الرمـال

للرخيص انتـي هجرتـي يـوم روحـك شاركتنـي
كل حلـم ٍ نرتـوي بـه يـوم روحـي لـك همـال

مـا تعلمتـي معـانـي بالـغـلا لــك طوعـنـي
لكـن اليـوم انتهينـا مـالـك بهـالـروح جــال

مـا عطيتـي كـود سهميـن بسنيـنـي صوبـنـي
لعنبـوهـا ضربـتـيـن ٍ عانقـتـنـي باغـتـيـال

ذي حياتـي وان نهتنـي عـن بعـادك مـا نهتـنـي
مـا ابيهـا ومـا ابيـك ومـا ابـي تطـري تعـال

وان سألنـي عنـك قلبـي .... كـرر الآه وذبحنـي
بقطـع عروقـه واسمـه واقتلـه ويطـيـب فــال

ايه انـا راحـل وانـا اللـي طعنتـك مـا فارقتنـي
بتركـك والوقـت يحكـم وابشـر بسـوء الـمـآل

مـا يـردك عـن ضميـرك لا غـرام ولا تمـنـي
مرجعـك للجـرح ساكـن مـا ينجـيـك احتـيـال

لا تعبـث بالمشاعـر وانصحـك بالصـدق طعنـي
هيه .. صحصح وش تخال الحب قلـي وش تخـال

مـا يعـرف الحـب مثلـك خايـن ٍ للجـرح تبنـي
لا صدقـت ولا هويـت وعايـش بـكـل اختـيـال

بـس ابيـك بسـاع جرحـك لا تندمـت تعـذرنـي
من سلـك درب الخطايـا يضـرب الفيـن احتمـال

وقتهـا مانيـب شامـت وقتهـا يـاسـي خنقـنـي
هـذي انتـي والنتيجـه فرحـك اليـوم استـحـال

وقتهـا بـاقـول حـقـي والمقـاديـر انصفتـنـي
ذا زمـان ٍ ويتغيـر حــال مــا يبقـيـه حــال

لا سالـك بيـوم قلبـك مـن سكنـك ومـن سكنـي
لا تقول اسمي وانـا اللـي مـا ابـي يطريـه بـال

وان غـدت دنيـاي صحـرا والسواقـي جاهلتـنـي
مـا يبـل شفـاي قطـرة لا غديـتـي لــي زلال

والبـلا انـي لا ذكـرتـك ونــة الآه عصرتـنـي
وآتجـمـع فـالـعـروق هـمــوم ٍ كبـارٍثـقـال

ومـرة ٍ جريـت ونـة حسهـا ابــوي اقتلتـنـي
فز وبصوته ينـادي وش حصـل يـا ابـن الحـلال

قـال يـا وليـدي علامـك هزنـي وعـود سألنـي
قلـت ابـد عافـاك ربـي مـا بـه مهـم ٍ يـقـال

ماحصل ؟ شوكه وانا اللـي مـا توقعـت وغزتنـي
والبـلا وانـت بكـرامـه مــا توقـيـت بنـعـال

شفت جرحي كيف قاسي بس ابد مـو اقسـى منـي
لا بغيت ارفعك شلتك .... بس رفعـي لـك محـال

&&& الجرح القاسي .........




م / ن



&&& hg[vp hgrhsd