(الحبر يخلص وقضايا مجتمعنا ماتخلص )
نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
وتلقى فلآن مآيجب سيرة أفلانه ... كذآ لأنه يحس بأنه مجبور عليهآ << ماعلينا
نكمل ...
_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها
_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..
ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..
_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان
قصص تبكي القلوب .. وأحلام تضيع في قرار
أمال وأمنيات تتبخر ..
بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا معد بيجيها خطاب لانهم يعرفوا انها محجوزة لفلان
ويمكن الفتاه نفسه مايعجبه الشخص المحجوزه له
ممكن الشاب يتأثر لان اهله اختاروا له شريكة حياته
وحجوزها له ..
لكن البنت هي اللي هتتأثر اكثر
يخلص الحبر والكلام مايخلص
من المذنب .في هذا كله. الشاب , الشابه , الأهل , العادات والتقاليد ؟؟
ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟
وهل هذا الشي موجود في عائلتنا الان ؟؟ وماموقفكم منه ؟؟
رد مع اقتباس
المفضلات