نويت أرحل من حيآتك وأطوي صفحـة التذكـار
نويت أرحل .. نويت أرحل .. واعيش بتذكـاري
هديه الرحيل عيونـي ودمعتيـن صغـار
بعدها القلب لك كله .. ولكن "صون أسـراري"
أمانه كان لي خاطر .. دخيلك انسي اللي صـار
بلاش تتعّبى قلبك.. بطول السهـر .. وتـداري
أنا ماجيت لعيونك .. عشان اكتب لـك الأشعـار
وترى ما اكتب لك الأبيات عشان افخر بأشعاري
عرفت الهم من صغري .. ومن غيره بدربي سار؟
وعرفت ان الأمل بالذات مجرد كذبـة أفكـاري
لقيت القلب من طيشك .. حزين ومنكسر منهـار
ولقيت العين من جورك .. غذاها دمعي الجـاري
عجزت ألفظ "أحبك موت" غدرني لساني الغـدار
والا من قلتها لك ؟ تقول : وش الطـاري؟؟
وصلنا اليوم يا فلانه .. نهايـة آخـر المشـوار
تعبت أركض ورى قلبك .. بعد ماطال مشـواري
أنا برحل من دروبـك؟ ولكـن الزمـن .. دوّار
يجي لك يوم لاتنسى .. يجيبـك شـوق إجبـاري
وعشان اطمّنك أكثـر .. قولى وردد أمـرار
(توفى اللي وفى بحبـه وكـان لدنيتـي شـاري)
فمان الله ياقلـب بنـى فـي سكّتـي أسـوار
فمان الله يـاروح.. تحـدّت كـل أسـواري
أنا ماشي من الدنيا وبتـرك لـك بهـا .. إنـذار
لعلّه ينفعك في يوم يكـون مـن الفـرح عـاري
ترى عقبي صعب تلقى صحاري جوفهـا أنهـار
وعشان اكون صريح أكثر ما اظن تتكرر انهاري
يجوز تلقى بالظاهـر ولكـن..! هاليـوم كثـار
خذ ى بالك عدل منهم .. وهـذي زبـدة إنـذاري
خلاص اليوم لاتسألى .. وش هي آخـر الأخبـار
أنا راحل من دنيتك.. ماعـاد تهمّـك أخبـاري
رد مع اقتباس
المفضلات