صفحة 1 من 2 12 الأخيرةالأخيرة
النتائج 1 إلى 10 من 13

الموضوع: قحطان و شمــــر في عيون الشعر

  1. #1
    عضو
    تاريخ التسجيل
    Thu Aug 2007
    الدولة
    سعودي ادرس في عمَان
    العمر
    36
    المشاركات
    20

    قحطان و شمــــر في عيون الشعر

    بسم الله الرحمن الرحيم

    والصلاة و السلام على رسول الله .....

    احب ان اقدم لكم شاعرين من قحطان يمدحون قبيلة شمر العريقه ..... و شاعران من شمر يردون عليهم بقصائد جزله .... اعلانا للملأ ان هذين القبيلتين يكنون كل الحب و الاحترام لبعضهما ...
    و اعلانا لما تملك هذه القبيلتين من قوة معاني لدى شعرائها.....




    الشاعر ناصر القحطاني
    في قصيدة مدح لقبيلة شمــــر و اللذي غنها المطرب العذب خالد عبدالرحمن



    [poem font="Arial,5,darkblue,bold,italic" bkcolor="transparent" bkimage="" border="none,4," type=2 line=1 align=center use=sp num="0,black"]
    الشمـس غابـت وكـل ٍ دوّر سراجـه=والشوق جمّر محـرّ الشـوق لاجمّـر
    دام اتجاهـك شمـال مودعـك حاجـه=سلّم على حايـل وسلّـم علـى شمّـر
    قدامك الخافـق اللـي ينشـد علاجـه=كنـه معلّـق علـى بـرزان ومسمّـر
    وانت تعرف يا بعد حيي مـن تواجـه=بيضان الافعـال لامـن الزمـن سمّـر
    ان ضاقوا أعنف من البحـر وامواجـه=وان راقو اركد من الخرمـان لا عمّـر
    كم صيت بيت ٍ عتق في الباب مزالجـه=وكم شيخ امـاره قبـل تعيينـه مومـر
    وكـم حاتمـي ٍ تكفـيّ فلّـة احجاجـه=وش لون للضيف لو عن ساعده شمّر ؟
    وان مـر تاريخهـم متلبـس ٍ تـاجـه=كم عاشق ٍ كيّف وكـم حاسـد ٍ زمّـر
    في جو ٍ اغلى على الرجلي الى داجـه=من ديرة السادس ومـن ديـرة معمّـر
    كنّـه الا اهـدى لـه البـراق فجاجـه=ضحكت غرير ٍ ضحك ومن الخجل حمّر
    توارثـو حرثـه وتمتـيـر ديبـاجـه=ركابـة الجيـب مـن ركابـة الضمّـر
    الودّ لا غرس بدري صعـب مخراجـه=والله ولا الـذّ واحلـى منـه لا ثـمّـر
    ادخل على اللي تطوف البيـت حجاجـه=من ناقص ٍ عند مـدح الغيـر يتذمّـر
    والمدح لو كان في الرديـان للصاجـه=ويقال عمّـر بلـد بالعـون مـا عمّـر
    والـذّم لـو زاد فـي الطيـب تولاجـه=لا احرق ولا اغرق ولا عمّر ولا دمّـر
    ماني بمتحسب بشعـري علـى حاجـه=الا اني اروح مـا غنيـت فـي شمّـر[/poem]

    رد عليه الشاعر/مفرح بن ممدوح بن فريح الشلاقي الشمري




    [poem font="Arial,5,darkblue,bold,italic" bkcolor="transparent" bkimage="" border="none,4," type=1 line=1 align=center use=sp num="0,black"]
    شعري خجل واختجل وازداد باحراجه=غصب يتاخر .. ولنه غصب يتخمـر
    وليا استوى تستوي مجنونـة انتاجـه=من شان يكتب مـع التاريـخ ويعمـر
    ودام اتجاهـك لناصـر بلغـه ناجـه=قله ترا القاف فـي شيطانهـم زمـر
    الموج لامن تلاطـم شـوق بابهاجـه=غصب يتغطرس وفاء من حايل وشمر
    رد الثناء واجـب فـي حـق نهاجـه=في حق من هو صدوق ماهـو مقمـر
    نجم شهر نـور الدنيـا مـن العاجـه=مافيه مثلـه ابـد فـي هالبلـد ممـر
    اليا مدح غصب من يمدح لبس تاجـه=واليا رثى الدمع بعيون البشـر همـر
    واليا تغزل بخشـف يجـرح غناجـه=غصب على مترفات البيـض يتامـر
    والشعر كنه موبايـل وانتـم ابراجـه=متميـز الذبذبـات وشلـون لانـمـر
    وبالطيب طيب مثل تيمـاء وهداجـه=قول وفعل ناصر القحطانـي مغمـر
    من لابة الصخاء والطيـب منهاجـه=من لابـة بالشجاعـه بطشهـم دمـر
    (قحطان)ميل الزمن به يعدل عواجـه=قحطان .. قحطان لامن الزمن سمـر
    ان ضاقوا اعنف من الزلال بادلاجـه=وان راقوا اجمل مـن النـوار لاثمـر
    واليا غزوا صاب كل الكون رجاجـه=من فوق قب المهار ومعهـن الضمـر
    ومن هو غزاهم رجع مع سكة ادراجه=تنكف ولو هي جيوش الزير ومعمـر
    وياناصر الوقت فينـا زاد باحراجـه=الروح راحت وشخص الروح من شمر
    وياصاح غاليك روح وانـت فراجـه=والثار عند العرب لـو طـال يتعمـر
    والذيب والطير قفى حـول قرطاجـه=غدر الزمن فعلت الجاني لهـا ضمـر
    والدم لو طال تظهر سكـرت امواجـه=يـادك (سونامي)النخـوه لهـا شمـر
    هذا وانا خافقـي مثلـك لـه علاجـه=وبدار قحطان شوقـي والولـه جمـر
    واقسم قسم ماحسبت لهـرج هراجـه=اصل النخل ثابت عندي بعد ما تمـر
    والله واللـي رفعـه بيـوم معراجـه=ما جيت انافس زعيم الشعر واتطمـر
    شاعر يصيد المواقف بايـر انتاجـه=الشاعر اللي ظـلام الليـل لـه قمـر
    وياناصر الوقت فينـا زاد باحراجـه=الروح راحت وشخص الروح من شمر
    ولاني بمتحسف بشعري على حاجـه=الا اني اروح ماتسمع صـدى شمـر[/poem]



    و بعدها هاضت قريحة الشاعر :: محمد ابن ساقان القحطاني
    نجم مسابقة شاعر المليون وقال ::




    [poem font="Arial,5,green,bold,italic" bkcolor="transparent" bkimage="" border="none,4," type=0 line=1 align=center use=sp num="0,black"]
    من يم نجد ،، وشرق مكـه ،، وطيبـه=لين الديار اللـي ،، جنـوب القريـات
    جيت بخفوقي شوق ،، ماينحكـي بـه=اكبر من حروف الشعـر،، والكتابـات
    شوقٍ ماهو شـوق الحبيـب لحبيبـه=شوق (( الطنايا للكـرم والجمـالات ))
    ولو قالوا ان الـدار ماهـي قريبـه!!=بقـول : يعنـي ماتهـون المسافـات
    ماهـم بربعـي بالليالـي الصعيـبـه=أجـل وربـي ماحسبـت المشـقـات
    (( شمّر )) ليا صك الصليـب بصليبـه=أهجد ياجن وأنس لـأهـل الطويـلات
    يرضخ لهم هالطيـب حشمـه وهيبـه=ويرفع لهـم بالعـز بيـرق ورايـات
    ومن مرهـم طرقـي بياخـذ ضريبـه=فنجال اشدا مـن خضـاب الخونـدات
    والموقـده تشهـد بـراس الرقيـبـه=ومن طيبهـم مـا ينزلـون الطمانـات
    ( والشمري ) من طيب راسه وطيبـه=بـه ميـزةٍ عـدّت حـدود المـروات
    لاثـارت الفزعـات لاتنتخـي بـه ؟!=لأنه يثور من (الطنـا ) دون فزعـات
    الله خلقـهـم للمصيـبـه مصيـبـه=وللنـار نـار وللمعـالـي ريــادات
    وللمـوت مـوت وللهيـبـه لهيـبـه=وللطيـب طيـب وللمراجـل سيـادات
    لكن : بهـم حاجـه ولاهـي غريبـه=يمكن يخون بهـا الشعـر والعبـارات
    اليا بطشوا: خلوا المضـارب عطيبـه=واليا عطوا: مـا مـدّوا الا الجزيـلات
    مـا أرفـع مكانتهـم بشعـرٍ اجيبـه=هم يرفعون حروف شعـري مقامـات
    واخر ما اقول بالشعـر وانتهـي بـه=بحطها بقوسيـن واربـع علامـات ؟
    ( الشمري ) ! عيبه ! وعيبه ! وعيبه !=اليا ارتكـي للحمـل شـال الثقيـلات[/poem]



    رد عليه الشاعر الشمري الملقب بــ ( العليــّــم )






    [poem font="Arial,5,green,bold,italic" bkcolor="transparent" bkimage="" border="none,4," type=0 line=1 align=center use=sp num="0,black"]
    ياقاف ارعـد وارتكـز بالرقيبـه=والكون صبحه في جديد العبـارات
    انثر مزونك فـي حنايـا شعيبـه=وفجر كنوز الجاش وانثر جنيهـات
    ردٍ على المطنـوخ تـاج الشبيبـه=محمد ولد ساقان نهديـه الابيـات
    قله ترى ياذيـب ماهـي غريبـه=من طيب مذحج شارب لك بيـالات
    سالت نجد وقلـت منهـو حبيبـه=قالت حبيبي رمز شيمه وهقـوات
    الصافي الوافـي سنايـد صحيبـه=يا صار بالميدان ! صده وغـارات
    ياويل منهو صـار خلـي طليبـه=ما تزبنة حتى جبـال السـراوات
    وله ميزةٍ بيـن الخلايـق عجيبـه=ماينزل الا فـوق روس الرقيبـات
    خلي تسلسل من سلايـل عريبـه=ماهو من اللي مختلط بالخواجـات
    اصله مصفى عن شوايب سريبـه=اصل العرب منشاه خير السـلالات
    الطيب يشرق بس عنـده مغيبـه=لانه خذا مبـداه هـو والنهايـات
    قحطان خلـي دون شـكٍ. وريبـه=هذا صحيح الهرج ماهي مـدارات
    قحطـان عـزٍ للـذي يعتزي بـه=ياولـع الشعـال يطفـي بهامـات
    قحطان فيهـم شـي ودي اجيبـه=تميزوبـه مـن زمـان الهـلالات
    رضيعهم يسقى الكرم مـع حليبـه=من صغر سنه صار يضربه طنخات
    اخاف شعري .لايدهـور نصيبـه=يخونه التعبيـر باهـل الشكـالات
    وختـام قافـي قـول والله غليبـه=ان ماكسبت الجائـزه بالامـارات [/poem]


    والنعم في جميع القبائل العربيه واوعدكم في المره القادمه اقدم لكم رديات بين قبيلتين اخريتين



    تحيـــــــاتي للجميع



    rp'hk , alJJJJv td ud,k hgauv


  2. #2
    الاداره
    تاريخ التسجيل
    Sat Sep 2006
    الدولة
    jordan&uae
    العمر
    22
    المشاركات
    28,952
    ( والشمري ) من طيب راسه وطيبه به ميزةٍ عدّت حدود المروات


    سلمت اخي على الناظره الرائعه

    ودمت دائما لما هو نادر ومميز

    دمت بكل الود

    أخاكم
    حسبنا الله ونعم الوكيل
    اللهم اكفنا بحلالك عن حرامك
    اللهم اني اسألك الهدى والتقى والعفاف والغنى
    ولا حول ولا قوه الا بالله الواحد الاحد الفرد الصمد
    اللهم صلي على حبيبنا وخاتم الانبياء والمرسلين سيدنا محمد صلى الله عليه وسلم


    مسجات للتذكير بالوتر - رسائل عن الوتر 2017




    اشعار غزل فى العيون 2017 , قصيده غزل فى جمال العيون , كلام غزل عن العيون




    اشعار جميله عن الام 2017 , قصيدة عن مدح الام , عبارات حب لامي



    فيديو نزع فستان مطربة من احد معجبيها على المسرح



    شاعر يحضر زواج حبيبته ويلقي قصيدة للعريس




    صور شيكولاته 2018 - صور شيكولاته لذيذة


  3. #3
    Senior Member
    تاريخ التسجيل
    Sun Dec 2006
    العمر
    59
    المشاركات
    1,132
    اخ قحطاني
    قصائد رائع
    سلمت يدك على نقلها
    وصح لسان قائليها

  4. #4
    عضو
    تاريخ التسجيل
    Wed Sep 2006
    المشاركات
    7,234
    وااااااااااااااااااااااو

    ما اروعها من قصائد

    وما اجملها من معاني وكلمات

    سلمت يداك على نقلها اخي القحطاني

    لك مني ورداً لا تنتهي

  5. #5
    عضو
    تاريخ التسجيل
    Fri May 2007
    الدولة
    بالقرب منك..
    العمر
    73
    المشاركات
    12,495
    اخ قحطاني صح لسانك وسلمت ايدك والنعم منك
    وبشكرك على القصائد الجميله

    (دام اتجاهك شمال مودعك حاجه
    سلّم على حايل وسلّم على شمّر)
    وسلملي على قرايبي شمر بالحجاز وكل البلاد العربيه

  6. #6
    عضو
    تاريخ التسجيل
    Mon Jun 2007
    المشاركات
    433
    تسلم القحطاني

    وشكراً على هذا النقل الرائع وهذا يدل على طيب منبعك

    اخوك الباسل الشمري

  7. #7
    عضو
    تاريخ التسجيل
    Thu Aug 2007
    الدولة
    سعودي ادرس في عمَان
    العمر
    36
    المشاركات
    20
    مشكووووووووورين اخواني و اخواتي على مروركم وتفاعلكم الطيب

    و ان دل على شئ فانه يدل على الحميه الطيبه لديكم

    ونعم في شمر و لا تهون باقي القبايل

    دمتم بود

  8. #8
    عضو
    تاريخ التسجيل
    Thu Jun 2007
    العمر
    39
    المشاركات
    89
    ان سلتنـي يالاجـودي عـن مقـامـي تسعة شهور(ن)في بـلاد الاجانيـب
    مابـيـن تـيـه واطــرف بــلاد يـامـي وغور التهامي والرمـال المكاثيـب
    بـحـر يـمــوج ويلـتـطـم بالـزخـامـي مثـل النـمـر يلـطـم بـحـد المخالـيـب
    تر وادعـه مثـل الصقـر فالمحامـي مايخطـي الصيـده نهـار المكاسيـب
    وسنحان من تفزع نهار الخصامي وغـلامـهـم مايـنـثـنـي فالـمـنـاديـب
    وشريف مثل الثلب غالي المسامي يشل الحمول وما يخـاف المطاليـب
    وبشر بن حرب اللي فرطهم تمامي عنـد العبـا مـا تصـلـح الا بتنصـيـب
    وعبيده اللي لاصبح الـزرق حامـي مـا ترجـع الابالرمـاح المخاضـيـب
    ورفـيـده الحـكـام وقــت الـزحـامـي هـل بيـرق مــا ينثـنـي فالمواجـيـب
    وتثلـيـث دار مسرحـيـن الجـهـامـي دار الجـحـادر معطبـيـن المعاطـيـب
    وباقي العرب من فرع تيه وشامي مـثـل الـغـنـم لادرعـــت للمجـالـيـب
    وعـــاد لامـنــه دنــاهــا الـحـيـامـي شي عشا نسر(ن) وشي عشا ذيب


    والنعم بكل القحطانيين
    ولك كل الشكر على ماخطته يداك

  9. #9
    عضو
    تاريخ التسجيل
    Fri Jul 2007
    المشاركات
    74
    شمر هل الطولات وابليس ملعون

    وارقصي ياحمامة

  10. #10
    عضو
    تاريخ التسجيل
    Wed Aug 2007
    المشاركات
    582
    اقول لاخوي القحطاني اولاً صح لسانك ياطيب الفال
    واقول ثانياً صح لسان قحطان وشمر
    وهلا وغلا بكم

صفحة 1 من 2 12 الأخيرةالأخيرة

المواضيع المتشابهه

  1. اذا جرحك شخص غالي ..استقبله بصمت
    بواسطة مـا عـاد بــدري في المنتدى منتدى المواضيع المكرره
    مشاركات: 5
    آخر مشاركة: 28-12-2009, 11:14 AM
  2. اسباب فقدان الشهيه لدى الاطفال
    بواسطة احلى اردنيه في المنتدى منتدى الطفل - الرضاعة - التربية
    مشاركات: 4
    آخر مشاركة: 19-01-2009, 04:56 PM
  3. الى اين نمضي؟
    بواسطة احلى اردنيه في المنتدى منتدى الشعر والشعراء
    مشاركات: 6
    آخر مشاركة: 19-01-2009, 12:10 AM
  4. هل تسامح ؟
    بواسطة الزعيم عيناوي في المنتدى المنتدى العام
    مشاركات: 12
    آخر مشاركة: 06-11-2008, 02:11 PM
  5. تجميعة ثيمات رائعة جــداً للـ N95 ، N93 ، N73 ، 6121 ، 6120 ، 5700
    بواسطة عـبير الورد في المنتدى منتدى عالم الموبايلات والاجهزة
    مشاركات: 13
    آخر مشاركة: 30-08-2008, 05:34 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
معجبوا منتدي احباب الاردن على الفايسبوك