ذكرتك ليلة البارح بعد ماطول غيابك
سهرت وقلت وين الله بلا خلي موديني
انا اللي كنت اقول اني نسيت وما احسب حسابك
اثاريني مانسيت وطاري النسيان ناسيني
انا اللي خانني حظي وظلم الوقت واقرابك
ولا ادري وش بلى حظي معك دايم يعنيني
اذا قصدك تبي تعرف غلاك اموت واحيابك
واكيد انك بعد مثلي مثل ما اغليك تغليني
نقشت اسمك على قلبي مادام ان الهوا جابك
بموت وبندفن واسمك وحبك عايشن فيني
اشوفك بالغياب اللي خذاك هناك وابطابك
واشوفك بالمنام في سكة احلامي مخاويني
اشوفك بالهدايا والورق والحبر وكتابك
واشوفك بالدروب اللي على بابك توديني
ابيك وما ابي غيرك انا ما اعيش الا بك
تعال ان ماحصل شوفك ترى طاريك يكفيني
دخيلك لاتغيب وتبتعد ويطول غيابك
دخيل الله وبعد الله دخيلك لاتخليني......
المفضلات