بسم الله الرحمن الرحيم
وبعد الصلاة على النبي
بداية مشاركتي معاكم ... قلت اشارك في قصيده طريفه ... اتمنى ان تحوز على رضاكم
مناسبة القصيده ::
هو انني ادرس في جامعة العلوم التطبيقيه تخصص هندسة حاسوب .... وكل ما ادخل مبنى الخوارزمي للهندسه اشوف بنت في غاية الجمال و الروووعه .... كل يوم صبح وانا اتصبح في وجه ملائكي ..
وكان في الطرف الثاني بنات عراقيات دائما ماتعلو اصوات ضحكهم في ذالك المبنى ... فكنت اتضايق جدا عندما اسمع ضحكهم ولكن التفت لهذه البنت الجميله .. فتذهب هذه الضيقه ... وللأمانه ان البنت هذه في غاية العفه والطهاره ... ولكن لا شعوريا خرجت مني هذه الابيات ::
[poem font="Arial,5,darkblue,bold,italic" bkcolor="transparent" bkimage="" border="none,4," type=1 line=1 align=center use=sp num="0,black"]
حزة الظهر المقيـٌض شمسها فوق الظهور= أ ُدخل المبنى المجاور جنب مبنى الإقتصاد
و انت ماشي وسط زحمه يالله تكفيك المرور= الخوارزمي اسمه هو عريق(ن) في ازدياد
ثم تلفت من يمين و من يسار و لا تثور =من بنات البصره اللي اعلنو فينا القراد
و بعدها شي(ن) بيشدك ضو رفرف فوق سور = من ثنايا احلى بنت(ن) تبتسم لاجل انقياد
كم قادت من رجال الهندسه نحو السرور = و كل طالب صار يفرح رغم تحميل المواد
صرت احس انها غزال(ن) بين انياب النمور = و صرت احس انها حديا تاطى فوق هش الجراد
له عيون كنها حنونه و الرموش فيها غرور=هي رصاصه موجهه في صدر لعٌيب الزناد
مربربه في جسمها و في خصرها صار الضمور= املكت عروش حبي و الفؤاد صار البلاد
و خدها قام ايتلاعب بين ظلمه وبين نور = تملك اللون المميز بكل جداره و كل عناد
و لا رقت ذاك الدرج كل الشباب صارو حدور= و لا وطت ذاك المكان صار المكان فيه المزاد
و جانا واحد بالبشاره يوم قالت له ( انت ثور ) = فرحته ! لان الوكاد اللي تكلم بالوكاد
لو عطتني وجه مره وش اببني من قصور = و ارقى فوق اعلى قصوري و انادي يا عباااااد
هو انا في علم كايد شهٌدوني بليا زور = و لا انا في وسط حلم(ن) لا تصحو بي الرقاد
علمتني كيف اكشخ و اشتري ارقى العطور = و صرت شايب (آتكوٌل) و ألبس اللبس الجداد
و رجعتني للصبا ايام عمري في الزهور = و ثبتت جلٌي في راسي كن مخي ما استفاد
و علمتني كيف اثقل و الخبال فيني جذور = و علمتني آتخبل و انا اصلاً وضعي جاد
صرت رايح و صرت راجع موقفي بين الحضور = كن واحد اردني جيته و قال لي : ( روح غاد )
اطلبك يا بو خديجه تبني لها عشرة جسور = و كل جسر(ن) فيه عازل و عشرة رجال(ن) شداد
ولو بغيت اني اساهم فالجامعه لاجل العبور = ساعة(ن) وحده توفـٌـي شوفة الحب المراد [/poem]
وسلااامتكم ......
واسمحولي ان اترجم لكم بعض المصطلحات
حديا :: نوع من انواع الصقور
حدور :: نزول
اتكول :: يعني اصير كول
ثبتت جلي :: يعني احط جل كثير
ابو خديجه :: صاحب جامعة العلوم التطبيقيه الله يحفظه و يخليه لنا ذخر ( اخاف اغلط ويرسبني)
رد مع اقتباس
المشاركة الأصلية كتبت بواسطة وهـج الشموخ
المفضلات