كبرت شوي
هذه القصيده للشاعر بندر طلال السعيد وددت نقلها اليكم علها تعجبكم
اخوكم زمان الصمت
ألا يا الله ياعظيم حقه التبجيل
....إلا مني بديتك بالقصيد أبعد عن المحظور
سمعت باحد يقرأ قصيدي جازله حيل
....يقول الله لكن ليه أحس بـ خاطره مكسور
عزيزي المعجب أشكر هالمشاعر وأسمع التفصيل
....خذ آخر ماكتبته واقتنع لين اشتكي معذور
أحاول بالظروف اللي خذلتني أوصل لتعديل
....أواجه واقعٍ يفرض علي أن الليالي تدور
كبرت شوي وما يكبر معاي إلا العنا والويل
....تقول الناس لا منهم دروا عن حالتي ماجور
أبصبر بس ماصابت معي خابت على ما قيل
....ابسكت يفضحني غلاه ودمعي المنثور
تقاسمنا المحبة كان يشيل شوي وكنت أشيل
....غلا يعني غلا قلبين مستور ستر مستور
يتيم لافقد حضني وحنانه ماينام الليل
....وإذا نامت عيونه كان يناديني بدون شعور
تخيل كل هذا ونتفارق والغياب يحيل
....مابين قلوبنا لاتفه سبب أن الزمان يجور
تعبت إلا بموت من التعب ماعاد فيني حيل
....يفارق والحزن عانق خفوق من الشقا مقهور
أحبه وإن سمحت ابختصر محتاج للتطويل
....تمنيته يكون أول حضوري وسط هالجمهور
ودمتم بود
رد مع اقتباس
المشاركة الأصلية كتبت بواسطة زمان الصمت
المفضلات