يازهرة ٍ ربعت في قلبـي وروحـي
ياحي غيم الوصال وزخة امطـاره
مسموح يابعد كل الكون مسموحـي
عذب فؤاد المعنى وبيـح اسـراره
مليت اسامر بيوت الشعر وانوحـي
ينوح شعري على دنيـاه واقـداره
والا شموخي جميع الخلق له توحي
عزيز نفس ٍ يعانـي جملـة اوزاره
لبيه ياللي رسمها ابداعي وبوحـي
رسمتها لوحـة ٍ تعليـق مسمـاره
اللوان طيفك تداوي ماضي اجروحي
لو شافها الشيخ يقصر دون مشواره
القد والخد واحلى مـوق مملوحـي
والليل من فوقها يطغى على اسفاره
جاحت بقلبي وذقت الرفق والجوحي
احلى مذاق العتب لاهلـت اعبـاره
الصوت يذبح به النغمات مبحوحـي
تعزف على اوتار قلبي دون قيتـاره
يازين ضحكه تجي مع نبرة امزوحي
واليا انحرج خدها حمرتـه منـداره
شخصية البنت في تعبير مفضوحي
اثقل خفيفه تعاف الكـذب واعـذاره
من ربعت هالجميله باطرف سفوحي
عرفت معنى الحياه ولـذّة ابحـاره
دلة غلاها بوسط ابياتـي اتفوحـي
باشرب فناجيلها والراس له نـاره
ومسموح يابعد نور العين مسموحي
لكـن تذكـر تـرى الايــام دواره
رد مع اقتباس
المفضلات