ياحرفي اللي ضاع مابين الدفاتر والرفوف
اللي رسمته من تنهَّاتي ومن حبر قلمي
ضحيت لجله في حروف وقمت لجله في حروف
وصبرت لو النار من فوقي ومن تحت قدمي
ياصاحبي اللي على شانك تحديت الضروف
اسمع كلامي زين وافهم وش اقوله من فمي
ماهو بأنا اللي تتركه بين الخناجر والسيوف
وتمص دمه بين خلق الله يامصاص الدمي
انا بدويٍ ماسكن في الوقت مسكان الضعوف
اتبع هوا بالي واسير عند ذودي وغنمي
طوفتها لك لجل خاطر عين ولا ماتطوف
ولا انت مهما زاد وزنك وزني يطرحك نسمي
صمتي يدل اني وفي ومسويٍ فيك امعروف
وصبري يدل اني من زحول الصناديد انتمي
ياقوم ياللي تذبحون الحيل قدرٍ للضيوف
وش رايكم في اللي يعشيني من اوصال لحمي
وقفت له يوم اجلسوا واجلستله ناسٍ وقوف
غير الذخيره والفشق في محزمه من محزمي
.........:::::::::::.......
هذي قصيده للشاعر تركي الميزاني اعجبتني جدا
تقبلو احترامي
رد مع اقتباس
المشاركة الأصلية كتبت بواسطة أم فارس20
المفضلات