أبيات شعر حزينة عن البطالة - خواطر مؤثرة عن انتظار الوظيفة - اشعار حزينه عن البطالة - عبارات معبره عن حال الخريجين
أبيات شعر حزينة عن البطالة - خواطر مؤثرة عن انتظار الوظيفة - اشعار حزينه عن البطالة - عبارات معبره عن حال الخريجين
2017, 2018, ابيات شعر حزينة عن البطالة, خواطر مؤثرة عن انتظار التعيين, شعر عن انتظار الوظيفة, اشعار حزينه عن البطالة, عبارات معبرة عن حال الخريجين, عبارات حزينة عن البطالة, كلمات حزن قوية عن البطالة, خواطر عن البطالة وانتظار التعيين, عبارات عن انتظار الوظيفة, شعر عن انتظار التعيين , شعر عن تاخر التعيين , قصائد عن معاناة الخريجات , شعر عن بطالة المتخرجين , قصيدة عن معاناة الخريجين , صور عن البطاله , قصائد عن البطاله عن العمل , شعر عن بطالة اخوي , شعر معاناة اختي خواطر حزينه ومعبرة عن بطاله الخريجين , شعر عن معاناة اخوي , عبارات عن معاناة الخريجين , شعر عن تاخر التعيين والانتظار , خواطر وكلمات عن البطالة وعدم الحصول على عمل , اشعار حزينه عن انتظار الخريجين , عبارات عن البطاله , قصائد مؤثرة عن البطاله , ابيات شعر عن البطاله , صور حزينه عن انتظار التعيين , عبارات عن الفراغ والبطالة , اشعار حزينه عن البطاله , اشعار معبرة عن حال الخريجين
وش عاد يا دار ٍ بها صار ( توطين ) *** و في مكتب التوظيف سوسن و ميسون !
مديرهم مدحت و نائبْته نسرين *** و على الرسبشن حمّص و فول و زيتون !
كل ما اتصلت اسمع ( ألو مرحبا مين ؟ *** بدّك وظيفه ؟ .. مين دلّك على هون ؟ )
اقول انا لي اتصل صار شهرين *** و انتوا وعدتوني متى بس توفون ؟
اسمي ( مواطن ) ( جامعي ) طيب و زين *** كني ابخطب عندكم و اتّغلون !
عندي شهاده طايحه بجبدي سنين *** عشش عليها شي له ستة عيون !!
لو للشهاده لسان قالت ( على وين *** ناوي توديني .. تلف فيني الكون ؟ )
من كثر ما صورتها غارق بدين *** للهندي راعي المطبعه صرت مديون
لا ليلي ليل ولا نهاري نوى يبين *** دقيت راسي لين ما صرت مينون !
مطلوب خبره عالأقل في مجالين *** ولا تجينا بواسطه و سير مدهون !
ولا انثبر في بيتك .. افرك بكفين *** يومك يشابه امسك و عيش مغبون
تعدادنا ويّاهم اربع ملايين *** و اهل البلد للحين ما صاروا مليون !!
ويلاه من باكر اذا وضعنا الحين *** و احنا اقل من الربع حالنا شجون !
و اللي ابتسم له حظه والله مسكين *** حصّل وظيفه .. بس في وين .. تدرون ؟
ساكن في راس الخيمه حطوه في العين *** و اللي سكن في الذيد في السلع مدفون !
يشوف اهله بس في الأسبوع يومين *** و اذا حسبتوا الدرب كم ساعه .. تبكون
يعني في كل احواله ذاق الأمرين *** شغّال محزون و بلا شغل محزون
و الأجبني اللي راتبه فوق عشرين *** فله و سياره و تذاكر .. و طاعون
عنده بدل كل شي عالراتب ألفين *** حتى بدل معجون اسنان و صابون !
و من بعد ما يجمع من بلادي فلسين *** و يربّي من القعده على الكرسي بطون
و يصير في بلاده غني و عنده برجين *** يرحل و هو جاحد .. و كم مثله ملعون !
و حتى الجماعه قوم مدحت و نسرين *** مردّهم لبلادهم لو يطولون
يرضون بشوية دراهم .. و شفتين *** صبح و عصر .. لو حتى في الليل يرضون
بس لو سمعتوا همسهم بينهم بين *** وسط القهاوي يلعنون و يسبون !
لا تحسبوني عنصري .. كلنا طين *** و الخل لو عاتب محبينه يمون
داري و انا اولى بها من الغريبين *** ما يوصلون لحبها لو يموتون
و ( الأقربون أولى ) .. كلام ٍ من الدين *** ما جبته من شعري مع الهام و ظنون
ولد البلد ما يبغي لبلاده الشين *** بالروح بالدم يفتديها ولا يخون
لكن سؤاله يوم قلتوا له ( توطين ) *** يا كيف بيد الغرب توظيفه يكون ؟؟!!
شعارهم معروف ( راجعنا بعدين ) *** و باين من التأجيل .. انهم يخافون
اذا معك خبره .. يا اهلين و سهلين *** و اذا شهاده بس .. عنك يصدون
ما عندنا شاغر .. و بطلنا تعيين *** ولو تحرق الهاتف ترى ما يردون !
من وين اجيب الخبره ؟ من وين من وين ؟ *** دام الوظيفه عند سوسن و ميسون !
عندي بمطبخ بيتنا خبره سنتين ! *** تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟ *** صح العيون صغار .. لكن يقدْرون
سؤال يا دار ٍ ..صراحه بترضين ؟ *** اني اسافر و اطلب الغرب لي عون ؟
و سؤال يا ناس ٍ على الراس و العين *** صدق الوظايف واسطه و سير مدهون ؟
اما الجواب الشافي يجيني الحين *** او هاتوا تأشيره .. اذا كنتوا ترضون
رد مع اقتباس
المفضلات