خطوات تحضير توست الفلافل , طريقة عمل توست الفلافل
توست الفلافل , طريقة توست الفلافل , تحضير توست الفلافل




تاخذين خبز توست تشيلين الاطراف .. وبعدين تكونين مجهزه حليب سايل (( اي حليب سعوديه او نيدو بودره مع ماء يعني اي حليب متوفر )) تغمسين الخبزه في الحليب بعدين اضغطي عليها عشان ينزل الحليب مو محتاجينه بعدين حطي حبه الفلافل بالنص وسكري عليها شفتي اذا اكلتي لقمه رز وكنتي متحمسه (( طبعا لو اكلتي بيدك ودائما هذا اكل الرجال لما يتحمسون )) يعني تضغطين عليها لما تتسكر مره بعدين تكونين مجهزه بقسماط تحطينه فوق الخبزه وهي مكوره طبعا وبعدها عالزيت ..

بس خلي الزيت حامي وحار لان كل شي مستوي بس نبي الاكله تتحمر وماتشرب زيت كثير

اذا خلصت خلاص تكونين مجهزه الصوص اللي جوا وهو
ملعقه طحينه ملعقه زبادي وشوي ملح وشوي ليمون ..

قطعي الخبزه مثل ماهي بالصوره اربع قطع كأنك تقطعين برتقال بس خلي القاعده متماسكه للمنظر حطي الصوص بالداخل وللزينه حطي شوي بقدونس

وقدميها بالهناء والعافيه ..

طبعا بما اني اشتري فلافل جاهزه يعني ماتاخذ معي الطبخه وقت ابد ..
على فكره ممكن تصلحون كميه وبعد ماتحطونها بالبقسماط تحطونها بالفريز بس قبل الاستخدام تطلع بفتره كافيه عشان الفلافل اللي جوا تدفى شوي لانها ماتطول بالزيت ...


وعافيه على قلوبكم