لـــــــــــــــــــــــــــوعة الحرمـــــــــــــــــــــــــــــــــــ ان
سطا جرحي على وراق(ن) تجسد لوعة الحرمان ________ معي اهلي معي ريعي واحس بحرقة الامي
حرمت الروح بسمتها ودمعي قطع الاجفـــــــــان ________ رحل فجأه ولا كنّه هدم في بعده احلامــــي
الا وان طالت الغيبه مصير الحي للقيــــــــــان ________ واذا زاد الجفا والصد ما هي لحظة اعدامـي
رياح الشوق تنصاني واسكّر لجلها البيبـــــان ________ بريّح خاطري والبال واهنا بلذة ايامــــــــي
وهذه جملتـي ( حدك ترا ما للهجر غفران ) ________ اعزّ النفس واكرمها واضمـد جرحي الدامي
ابنسى ذكريات العطر ونفح الورد والريحان _________ ابنسى نظرتك سلهامها الي تطرح اسهامي
انا وش لي بقل النوم اخايل طرفك النعسان _________ او الخد الصهيب الباهر اللّي بالفكر سامي
تمكنت وبنى شعري من حروف الغلا اوطان _________ عدلت وشفتك الظالم وظلمك جدد حطامي
ولولا نخوتي بالحب لرحل واعقب الكتمان _________ وزادي في شواطي دمعك اللي يلجم اقدامي
اشوفك في بحرها هايم وكنّك بها غرقان _________ مثل ما كنت انا بالضبط اهيم وطيفك الهامي
حسايف ما حصدت الا بذور الاه والنكران _________ عشقت وما عشقت الا زوال (ن) يسرق اعوامي
وفيت وصنت عشقي لك ربحت وصرت انا الخسران _____ واذا قصدك فراق شوف ضو الكيف قدامي
اقول وقد تكفن قدرك ولا يتبعه احزان __________ وشعري والحبر تابوت سري واعظم آثامي
رد مع اقتباس
المفضلات