يا مرحبا ياللي بقلبي مكانه اللي يغيب وداخل القلب موجود
اللي تفز عروق قلبي عشانه وما تبعده عني ميادين وحدود
ضناي ياللي في خفوقي أمانة يا رب لا تبعده عن كل منشود
أحس قلبي فز بأقصى مكانه من يوم زفوا لي الخبر فيه مولود
الضنا زينة العمر في كل حال قالها ربنا في حكيم المثال
أنعم الله علينا بفضله وقال حظ كاسب صلاح الذرية كبير
يا قطعة الروح الغلا كيف شانها لا شفت زولك ينتثر دربي ورود
ياللي حشاي وفي نثر له حنانه يكبر ويكبر له غلاه خافقي زود
هان له العنى لأجل أرى بسمته كل ما بتعنى لأجل راحته
دق قلبي وحبه وصوت دقته نور عيني وقدره بهالعين غير
وصّيتك البر وعلى الله الإعانة والعود وحده غير عن حزمة العود
لب المنادى لا صدح في آذانه ولا تتبع إلا سكة الطيب والجود
يا الضنا برك أمك وبرك لأبوك معرفة صاحبك واحترامك لأخوك
أمر ربك وهو مالك كل الملوك ومن زرع بذر خير حصد كل خير
افتح الرابط لسماع الكلمات
http://www.youtube.com/watch?v=NdxDy0wYFSQ
رد مع اقتباس
المفضلات