المرجله

[زهر الربيع]

هذي القصيده عجبتني وحبيت انقلها لكم ..//

ٍِِِ (( المرجله )) ٍٍٍٍِ


يقهرني اللـي فـي شبابـه مايفيـد ولا يثيـب
اللي علـوم المرجلـه مايربطـه معهـا صلـه ...
اللي لا جيته تنصحه يضرب على نصحك صليب
ويقول ياشيـخ استـرح مالـي ومـال البهذلـه ...
ويعجبني اللي في شبابه يلتعـب وتقـول ذيـب
اللي ليا منّه تعب يتعـب مـن اجـل المرجلـه ...
والمرجله ماهي بسهلـه دربهـا دربٍ صعيـب
واللاّش يجهل دربها وامّـا الكفـو مـا يجهلـه ...
ومن لا جمعها في شبابه ماجمعها فـى المشيـب
ورجّـلٍ بليّـا مرجلـه مالـه مكـان ومنزلـه ...
ماهو غريب الرجْل يعمل لكن الشـي الغريـب
شخصٍ تعدّى عمـره العشريـن ويخسّـر هلـه ...
هذاك في قلبه مـرض لكـن جعلـه مايطيـب
لا صار ماينفـع هلـه ولا يجيـب النفـع لـه ...
يخسى ترى ماهو رجل أقولهـا وانـا مصيـب
ويقلـون قـولٍ تستحـي يالآدمـي منـه قلـه ...
أقولهـا ولا استحـي لا مـن بعيـد ولا قريـب
واللّي زعل من كلمتي ما همّنـي هـو وزْعلـه ...
اللي ماينفع فى الزمن ودّك عن عيونـك يغيـب
ياليت يوجـد لـه قطـع غيـار لجـل انبدّلـه ...
والمشكله هو كيف عايش يا عجايب يا عجيـب
ما حقّـه ألاّ مـن يفجّـر فـوق راسـه قنبلـه ...
يقهرْك يوم تعاتبه ويقول انا مـن ويـن اجيـب
عاطل وما حصّلْتلي عمل علـى شـان أعملـه ...
ياخي ماهو لازم تصير استاذ أو تصبح طبيـب
الشغْـل واجـد ومتوفّـر ميـر عقلـك شغْلـه ...
شف أي شغله واشتغل ترى الشغل ماهو بعيـب
العيـب يـوم انّـك كـذا لاشغـل ولا مشغلـه ...
إليا متى وابوك شايل حملك اصحـى يالحبيـب
ربّاك واليومه رجل والحمْل عن ضهـره شلـه ...
إليا متى همّـك بقلبـه يشتعـل مثـل اللهيـب
ربّاك لجل تساعـده واصبحـت عنـده مشكلـه ...
أقل حاجه سد نفسـك لا متـى وانتـه عطيـب
رجّال طول وعرض فوق الارض عايش مهزله ...
أنا معك إن الحيـاه أرزاق وحظـوظ ونصيـب
لكن سـوّ اللـي عليـك وكـل مجهـود ابذلـه ...
خلّك على الله متّكل أمـر الحيـاه أمـرٍ تعيـب
واجبك لا تقعد عنـه واللـي علـى الله ازهلـه ...
إليا تقفّل باب غيـره بـاب واصبـر ماتخيـب
واعلم بـأن أبـواب ربّـك دوم ماهـي مقفلـه ...
اغنم شيابك قبل شيبك بكـره اتشيـب وتعيـب
وما انته بفايد تال عمْرك كـان مافـدت أوّلـه ...
يقهرني اللـي فـي شبابـه مايفيـد ولا يثيـب
اللي علـوم المرجلـه مايربطـه معهـا صلـه ...
اللي لا جيته تنصحه يضرب على نصحك صليب
ويقول ياشيـخ استـرح مالـي ومـال البهذلـه ...
ويعجبني اللي في شبابه يلتعـب وتقـول ذيـب
اللي ليا منّه تعب يتعـب مـن اجـل المرجلـه ...
والمرجله ماهي بسهلـه دربهـا دربٍ صعيـب
واللاّش يجهـل دربهـا وامّـا الكفـو مايجهلـه ...
ومن لا جمعها في شبابه ما جمعها فى المشيـب
ورجْـلٍ بليّـا مرجلـه مالـه مكـان ومنزلـه ...

[محمد الدراوشه]

الف شكر على كل جديد
مع التحيه والاحترااااااام

[سفير المستوى الراقي]

ماكل من يركب الخيل خيــال
ولا كل خيـل تعجبك هي أصيلـــه

ولا كل من يعجبك هرجـه برجــال
بعض العرب ملسـون وأيده بخيلــه

الكل يلبس ثوب وشماغ وعقــال
وعند اللــزوم أفعــالهم هي قليلـــه

الرجـل تثبت له أقاويل وأفعـــال
لاقال شـئ ونفـذه هو دليـــــــله

والرجـل لاشفته مع القيل والقــال
أبعــد عنه هذا صفـاته عليلـــه

والكذب خله عنك مافاد لوطـال
قول الصدق ياصاح غنم وجميلـــه

وخلك شجاع وذي صفات للأبطــال
اللي كما سيوف تبارق سليلـــه

واللي شراك اشريه لو كان بالمـال
خـلك معه وان مال دور بديلـــه

وأصبر ترى الدنيا تبدل بها أحــوال
وماكل شئ صـافي تشوفه تجـي لـه

وبعد الكدر تشرب صفا عذب وزلال
هذا الزمــن فيه استـقامـه وميلــه

وصاحب خليل لو جفا الوقت مامـال
تـرى الرجـل يعرف بقيمة خليلــه

وأقفل على سرك بكتمان وأقفـال
بعض العــرب يسمع وينوي بحيلــه

وخـلك آمين إذا توليت الأعمـال
من خان في يوم الحشــر ياحليلــه

خل التواضـع فيك واضح بالأفعـــال
ترى الكبـر يردي بيـوم وليلـــه

ولا تحسـد اللي عنده أموال وعيــال
وش ينفعك لو كان حسـدك يزيلــه

ولا تزور تقلـب الزين بطـــال
الله عليـــم بالنوايـا الدخيـلــــه

وخلك رزين تـرى الخفـه للأطفـــال
وأصفح عن المخطي ولو زاد قيلــه

وأحمل همومـك لو تزن وزن الأثقـــال
بكــره تروح وتنجلــي لو ثقيلـــــه

وصلﱢ الفروض ولا تنسيك الاشغـــال
محدن في الدنيـا درى وش بقــى له

وزر الاقارب للرحم كون وصــال
وخلك عظيـــم الشان وسـط القبيلــه


ودمتي بحفظ الرحمن

[زهر الربيع]

وأصبر ترى الدنيا تبدل بها أحــوال
وماكل شئ صـافي تشوفه تجـي لـه

وبعد الكدر تشرب صفا عذب وزلال
هذا الزمــن فيه استـقامـه وميلــه

وصاحب خليل لو جفا الوقت مامـال
تـرى الرجـل يعرف بقيمة خليلــه
صح السانك ..مرور رائع جدا