صفعة جفا
مــن لايشـوفـك شــي لاتنـظـره شـــي
ومـــــن لايــقّـــدر جـيــتــك لاتـجـيــلــه
عـنــه الـسـعــه لابــــارك الله يــاخّــي
بالضيـق واجحـاف العمـيـل بعميـلـه
صفعـة جفـا بمكانـهـا تـسـوي الـنـي
وتحـرق قلـوبٍ مــن جهلـهـا عليـلـه
مــادمــت لاجــاهــل ولا تــابــعٍ غــــي
وحملـي اعــرف كيالـتـه قـبـل اكيـلـه
تبطيـن يـا يـديـنٍ تـبـي لـويـت يــدّي
لــو جـارنـي ضـيـم الـدهـر مرتكـيـلـه
تطلع لك اشيـا مـن مواقـف ولاشـي
وتصغـر وتكبـر نــاس قــدم الثقيـلـه
لا تغرك الاسمـا مـن ويـن ومـن أي
خـــل الـفـلــك يـفـتــر ويــــدور ويــلــه
وتطويك لوعات الزمـن تحتهـا طـي
فـي وقتهـا قـارن بالاسـم وحصيـلـه
وان طال بك ليلك يبي ياتي الضي
ويطعنك من تشكيـه بمـن تشتكيلـه
تــجــارب الايــــام ومـســامــر الــكـــي
دروس والـــرجّـــال عــقــلـــه دلــيــلـــه
والشـجـرة الـلـي مابـهـا للـعـرب فـــي
يالله تـحـرمــهــا ســـحــــابٍ تـخــيــلــه
لانـافــعــة مــيـــت ولانــافــعــة حــــــي
غـصــنٍ يـبــاس وكـــل ريـــحٍ يمـيـلـه
الطـيـب شــي ولايـقـارن مـعـه شــي
والـبـخــل مــاعــز الـيـديــن البـخـيـلـه
م / ن
رد مع اقتباس
المفضلات