المسحراتي
مش ناقصينه والله
تجلس في رمضان تقسم يومك متى تنام ومتى تصحى متى تقرا قران ومتى تلعب رياضة
متى تدرس ومتى ومتى......الخ
المعنى انه رمضان شهر نشاط وشهر عبادة شهر تستفيد منه بكثر الطاعات
وليس بكثر المسلسلات وتفجير المفرقعات قبل الفطور وبعده وعند السحور ومنهم من يفرقع كل ما كان زهقان
طيب لما تقسم يومك ويطلعلك مشكلة عظيمة ما لها حل , المشكلة هاي اعاني انا منها بشكل غير طبيعي
ولا اعلم من يعاني من وجود هذا الشخص المزعج الذي لا دخل له بدين او حضارة الشخص هذا اسمه التراثي المسحراتي
طيب الكل يمكن يسال ليش ؟,خير شو بينك وبينه ؟
راح اقول لكم ان هذا المسحر اذا ما كان له تنظيم ومراقبة وترتيب راح يتحول من مسحراتي الى مفرقعة اخرى تطلق في جبال الاردن وصداها يخرق الاذان
شخصيا استيقظ من الساعة الواحدة والنصف ليلا والله على صوت المسحراتي الذي ينهي دق طبوله في الساعة الرابعة صباحا شي حلو والله متى بدي انام .
راح يقول البعض لا يا اخي المسحراتي طبلته صغيره وصوته جميل .
بقوله تعال يوم ونام عندي واسمعه (((((((أصواتهم)))))) لانهم مش واحد
كما ذكرت الاردن اغلب بيوتها على الجبال خصوصا عمان الله يحفظها.
واذا في واحد زمر زامور بالليل خصوصا في جبل بعيد عنك بتسمع الزامور كانه من حارتك
لما حوالي 10 مسحراتية كل واحد ماسك طبل ضخم طبل بستعملوه في المشاه العسكرية فرقة الموسيقى يعني
وكل واحد بدق وببلشوا من الساعة 1.5 صباحا الى الساعة 4 فجرا بقلبوا حياتك حرب ونكد
عندي اطفال يبكوا من الصوت صحاهم الصوت شو اعمل انا.كيف بدي انام مع اني بصحى انا على الاربعة فجرا عشان اتسحر يعني لما بخلصوا دق طبل دقدق الله عظامهم
وهات نيم الاولاد وهات اعرف أنام وبعد السحور في صلاه وفي شغل الصبح والله شغلي من الساعة 5 الفجر
وأنامن الناس الي ما بعرف انام الظهر اتخيلوا حياتي او حطوا حالكوا مكاني بالله عليكم فكروا بالوضع
للعلم في مسحراتية بتنافسوا على حارات ليش؟ لان الحارة هذه بتعطي المسحراتي مصاري قبل العيد بيوم, بيجي يدق لك على الباب يالله انا صحيتكوا طول الشهر وين اجرتي لولاي ما عمركوا تسحرتوا ولا كنتوا راح تصحوا يعني كانه انا ما عندي موبايل او منبهات اشكال والوان وكل منبه بضبطه بنغمة تريحني لا عالية ولا مزعجة ولا منرفزة .
على العموم عندي شوية اسالة
هل يعلم المسحراتي بما يعانيه الناس منه من صوته العالي ومن طبلة الاعلى؟؟؟
هل يشكوا كل الناس منه ؟ ام انا وحدي يا ترى؟؟؟
هل هناك حل لمشكلتي ياجماعة ؟؟ارجوكم دلوني عليها.
الموضوع الي يلي هذا هو عن المفرقعات همي الثاني لعنه الله على من ادخلها البلد.
بس لما تردوا علي
شكرا لمن قرأ موضوعي للنهاية لانه اخذ فكرة ولو ما رد علي
ارجو نشر الفكرة فقط لنكون شعب حضاري
ارجو المشاركة بالموضوع لارى رأي الاردنيين في هذه المشكلة .سامحونى وكل عام وانتم بخير.
رد مع اقتباس
المفضلات