ابي اعرف شلون نفسك تطاوعك
بسم الله الرحمن الرحيم
ابـي اعـرف شلـون نفسـك تطـاوعـك *** تـرمـي اذاك لـصـوب نــاسٍٍ يـــودوك
مـالــك ظميـرٍعـقـب ذنـبــك يـراجـعـك *** خلـوك مـن عقـب الـرضـا ذاك خـلـوك
بـقـولـهـا لــيـــن إتــعـــدا مـسـامـعــك *** متروك مـن عقبـه ولـو منـت متـروك
عـلـمٍ يـفـوق عـلـوم جـظـة مـوادعــك *** مسـيـت ربــعٍ عـقـب دهـــرٍ يـمـسـوك
كـفـه دمـوعـك لـــو بـتـدمـى مـدامـعـك *** باعـوك مـن فعلـك ولا عــاد يـشـروك
مـن اول تجينـا مــا جهلـنـا مطامـعـك *** لكـن لـنـا كــارٍ مــع الـنـاس محـبـوك
ماهـو بـلـك ولا يـجـي فــي مراجـعـك *** نحفـظ مقـام الـضـد والـخـل بصـكـوك
ننعـم تحـت قولـة نعـم عــن مراتـعـك *** ولا نرتـضـي ذلٍ عـلـى فــود مـعـلـوك
يـا كثـر ضامينـك ويــا كـثـر جايـعـك *** ويـا قلهـم مـن عقـب نالـو وشبـعـوك
بعض البشر لن جيـت سلمـه يمانعـك *** وبعض البشر لن جيته يصير مملوك
لـكـن إذا كيـسـك نـبـض جــا يدافـعـك *** إليـن مـا يدمـي قــدم رجـلـك الـشـوك
اذكـــر تـجــي نـجــمٍ وكـــلٍ يطـالـعـك *** واذكر اذا ضاقة على الناس ينصـوك
واذكـر ولـكـن لـيـن مـريـت شـارعـك *** تمـرهـا الـذكــرى عـيـونـي ويـبـكـوك
تدري وش اللـي ضـرك وهـد جامعـك *** وتدري وش اللي حدهـم يـوم يبنـوك
لنـك تضـن ان قوتـك فــي صوامـعـك *** ولنهـم يبـو زودٍ علـى الــزود زادوك
ابعـتـرف فـــي نـيـتـي مـــا اقـاطـعـك *** حسبي على افعالك على ويـن كـزوك
جيتك ابي قربك على شـوف ناصعـك *** وغـرو بـي جياعـك وراحـو يـزكـوك
تـبـعـت بـراقــك عـلــى بـعــد لامـعــك *** وتاهـت ركابـي يــوم غـيـري يـدلـوك
جيتك غلا ما جيـت لـك مـن بضايعـك *** وانشـيـت لــك اســمٍ صــارو يـنـادوك
ماهـم بشـلـة عطـنـي الـلـي تقـارعـك *** يا غير ناسٍ لو طغـى الوقـت شالـوك
ادري كفـانـي مــا لـفـا مــن فظـايـعـك *** لكـن بــرد الـصـاع والـصـاع مـدكـوك
صـدري وسيـعٍ ميـر ضيقـت واسـعـك *** احذر شـف اقدامـك علـى مـا يمشـوك
هـي كلمـةٍ جــازت وحــرت مواجـعـك *** ترضابه او ما ترتضي منت مشـروك
مـا هـي بقولـي ميـر جــرّة صنايـعـك *** الاجــر جـنـسٍ للعـمـل مـابـه شـكــوك
ماضيـك بـذره لـك جنـاهـا مضـارعـك *** اسقيـتـهـا مـــن دم نـــاسٍ يــريــدوك
حظنـت مــن هــم يحملـونـه طبايـعـك *** وقبلـت كـفٍ حـاك لـك الــف مشـبـوك
مــا قـلـت لــك لـيــام نـــابٍ يـنـازعـك *** تظهـر بــه مـلـوكٍ وتهـفـا بــه مـلـوك
عودتنـي شـوف الظفـر فـي اصابعـك *** واقنـعـت نفـسـي والخـلايـق يـزفــوك
شفـتـك بعيـنـي إص مـانـي بسامـعـك *** تهـدر علـى الصـيـدات وتـهـد بـديـوك
رد مع اقتباس
المشاركة الأصلية كتبت بواسطة محمد الدراوشه
المفضلات