قصيدة جداً جميلة للشاعر فهد الشهراني
[glint]تباريحك على جمر الغضا يا قلبـي المهمـوم
ونبضاتـك دمـوع مرسلـه وتهلهـا عينـي
تعبت وتعبت عيوني معاك ولا اهتنت بالنـوم
مواويل المواجـع خلهـا مـا بينـك وبينـي
على مهلك بصدري لا تهزه وارضى بالمقسوم
على جور العيون اللـي تنـام ولا تراعينـي
من اول يوم انا وياك .. أنا وياك لآخر يـوم
على الدرب الطويل اللـي جهلتـه يامودينـي
نصحتك قلت لا تحلم ترى بعض الحلوم حلوم
نهيتك قلت ما تسلم كسرت الشـوك فايدينـي
سألتك قلت ما تعلـم بـأن النصـر للمظلـوم
سجنتك قلت تستسلم شكـت منـك شرايينـي
مدحتك وانت تتبسم بعيد من العتـب واللـوم
فهمتك انت ما تفهم رضيـت انـك تخلينـي
لمحتك وانت تترنـم تغنـي للهوى المزعـوم
سمعتك وانت تتكلـم هـلا ياباقـي سنينـي
هلا بالطيب وانفاس الغرام وريحة اليشمـوم
هلا باللي على بعـد المسافـه مـا نسيتينـي
تأثرت بكلامك خفت لا يخـذل عزيـز القـوم
واعيد الكره اللي قد مضت يومـك تنادينـي
تذكرت الشوارع والظلام وطيرهـا المشـؤوم
على ذيك الغصون اليابسـه والهـم كاسينـي
اخذت شوي واصبح كلانـا بالامـل معـدوم
صبرنا غصب والدنيا دروس وهـذا يكفينـي
رضيت وما معي حيله هو الحاكم وهو المحكوم
تشيـل الحمـل يـا قلبـي ولكنـك تعنينـي
احبك يابحر لكـن اخـاف ومااطيـق العـوم
تكفيني سواليفـك علـى الشاطـي وتغنينـي
كذا يرضيك ياقلبي اطيـح وماقـدرت اقـوم
وانا مانـي بحـيالله بشـر يومـك تبكينـي
بكى حتى القلم من رحمتي مافـارق البهـوم
نزف حرفي على صدر الورق علـه يسلينـي
سمعت عليوم ياقلبي ومنك ماسمعـت علـوم
ما غير دموعك اللي شفتها وتهلهـا عينـي
شكيت وما شكيت عليـه الا الواحـد القيـوم
وغير الله ضعيف ولو عطاني مـا بيشفينـي
إلهي طالبـك تغفـر لعبـد ماهـو بمعصـوم
إلهي طهـر القلـب الضعيـف ولا تخلينـي[/glint]
رد مع اقتباس
المفضلات