عاتبوها واسئلوها ليش انا قلبي مصاب
ليش ما ينطق وساكت كل اوقاته صعيبه

كل عله فيه صارت عايش(ن) فى أكتئاب
انتهى قلبي بغدر(ن) غدرها ربي حسيبه

هذا قلبي اللي يحبه واحتمل كل الصعاب
مادرى هاليوم انه عاشق(ن) اكبر مصيبه

فى هواها الليل ساهر ما عرف للنوم باب
عاف زاده حتى ناسه شارد(ن) فى هالحبيبه

وان لقاها صاح مرحب ناسي(ن) كل العتاب
يحسبه يا ناس بلسم يمسح ادموع(ن) سكيبه

واسئله وينـك حبيبي ليش نجمـك عني غـاب
يبتسم بسمه بكيفه يووووووة يا حبي غريبـه

هالمشاغل فى المدينة والاهل حتى الصحاب
كلهـا تشغــل وتقتـل كـل اوقـات(ن) رحيبـــه

ياله هاذاني اشوفك مهما قلبي فيك عاب
وش بلاك الحين تبكي كل حب(ن) له ضريبه

وانا ياللي دوم اشوفه ما ابد طاريه غاب
مهما يبعد او يجافي لا ولا يوم اشتكي به

بس يا قلبي كفايه وش يفيدك هالحساب
ابتسم وانسى الحكايه كل درب وله نصيبه

الف معجب الف عاشق كنها ساره دياب
اخت هذا اللي يغنى عودوني كيف اسيبه

فى غروره صار يلعب كن راسه فى السحاب
ما درى انى هجرته والزمن درس(ن) يصيبــه

فى حمـاقه قال برحـل قلت عجل يا ضبــاب
واسمع الكلمه الاخيره من صدر كفكف نحيبه

روح وابعد يا فلاااااان انتِ ماضي او سراب
نعنبــو قلبي ادوسـه يعشق(ن) اكبر مصيبــه



h;fv lwdfi