[poem Font="simplified Arabic,5,black,bold,normal" Bkcolor="transparent" Bkimage="http://www.jo1jo.com/vb/images/toolbox/backgrounds/13.gif" Border="inset,10,purple" Type=1 Line=1 Align=center Use=ex Num="0,black"]
لا طاح حظك واقفلت كــــــــل الابواب=حذراك لا تنصى وجيه الصعاليـــــــك
ولا جــــــار وقتك وامتلا جسمك أنياب=اصبر وجاهـــــد واحتسب عند منشيك
ولا شفت ظلــــــــم مسيّدٍ حث الاركاب=واشهر عليـــــــــه مصقلك قبل ياتيك
ولا شفت ركب مسيّر اهديه مــا طاب=يمكن تسير بيوم والـــــــــرب يعطيك
واذا خويك بالرخا حولــــــــه اصحاب=إحرص علــــــــى إنه بالشدايد يلاقيك
ولا تنهر العيّل ولا مــــــــن بعد شاب=يربا الصغير وباكــــــر الشيب يغزيك
ولا تامن العقرب ولا تامـــــــن الداب=لـــــــــــو تحسن الجيره بيدبي وياذيك
إصفح عــن المخطي ترا الوقت دولاب=إفطن تجي مغلوب والصفـــــح ينجيك
الحقد شر وكامـــــــــــل الطيب غلاب=والظلم نار وتنهدم بـــــــــــــه علاليك
ولا تصدر احكامك على شد الاعصاب=حكم الغظب لــــــــو جاز ياتيه تشكيك
والحكم لو يصدر قبـــــل بحث الاسباب=يرجع ومــــــن عقب المهابه ويصليك
يا صاحبي لا يــــــــا بعد كل الاصحاب=وش عيب تلفينـــــي وصاتك ووصيك
قالوا السلف مـن شاور الناس ما خاب=اسمع كلام اللي علــــــــى الخير يهديك
الخلق واجد واصل ابوهم مـــــن تراب=والطبع كايد والنبا مــــــــــــــــا يقديك
هذا يجـي مطلــــــــــــوبٍ وذاك طلاب=وكلٍ علـــــــــــى دربه يحثك ويدعيك
منهم ليامنه لفـــــــــى يطــــرق الباب=ومنهـــــــــــــم يدور طامنٍ بالشبابيك
وإبليس له مـــــــن بينهم ربع واقراب=إحذر ترا له معبرٍ مـــــــــــــع تساليك
شيٍ تعلمته علــــــــــــــى منهج كتاب=ولي بالتجارب مـــــــــــا يفيدك ويثريك
لا هـــــــــــــي بمقياسٍ ولاني بمغتاب=لكــــــــــن خذ العبره عسى الله يبقيك
أسوأ مصير ان طحت لـــك بيد كذاب=تجزاه صدق ومرجلـــــه ويش يجزيك
لـــــــون الضرير وسايرٍ وسط سرداب=تجهل تضاريسه وصــــــــــوته يناديك
تتبع صداه وتقترب وانت مرتــــــــاب=وحنة خفوقك تجبرك فـــــــــي مماشيك
ولا دريت إنـــــــــه فحيح أزرق الناب=إلين ما كفه مـــــــــــــن السم تسقيك
ترخي عليه مـــــــن الغلا ظل الاهداب=وتركي عليه مـــــن الشقا وما يواسيك
قبل أمس يوم ان الوفـى شرع الاحباب=لو عشت له عمرين مـــــا اقول يمديك
مــــــــــــا يقبل الواشي ولا ظره عتاب=تلفيه ود وبالغـــــــــــــــــلا دوم يلفيك
لكــــن غرام اليوم به صاب وما صاب=لـن المصالح دوم مـــــــــا تقبل شريك
وعشقٍ عليـــــه وسوم سايــم وجلاب=لا تشتريــــه ان جالك وراد يشريــــك
ولا يفرحك صبحـــــــه ولا تبغظ غياب=الفجر ضوحه عـــــــــن زوالك بينبيك
هرجٍ علــــى كيف البشر زادك إعجاب=وصدقٍ يخالــــــــف سنة البعظ يشقيك
الفقر رزق ولا به الرجل ينعاب=ولا المال في كل الموطن يحليك
لا تنظـــــر لغيرك ولا تحسب حساب=الرزق وعــــــــــــد ويجلبنه مساعيك [/poem]
المفضلات