ياصاحبي ماني على مأنت خابر
العام غير وهالسنة وضعنا غير
كود السلام إن جيت بالدرب عابر
وقولت صباح الخير وإلا مساء الخير
يوم الوفاء عندك دفين المقابر
ما ظن مثلك له مع الناس تقدير
وين الوفاء يوم الزمن كان غابر
وانته على الطيّه وأنا بقاعة البير
كسر الوفاء بالعذر ماهوب جابر
ولاتجبره عندي سمان المعاذير
صحيح من قال الأوادم مخابر
الحر يشهر والحباري مخامير
نسيت بالشطات من كان صابر
يوم إن عمرو وزيد قفوا محادير
غديت لك ملجا ورامي وسابر
لين إنها زلت هبوب المعاصير
ولابغاك ترقيني بروس المنابر
رد الثناء لراعيه واجب على الغير
لكن ترا ماني على ماأنت خابر
لو تعلن القصة مسلسل وتصوير
ممشا الرفاع ولاطمان المعابر
روس الهضاب أفضل من الوكر للطير
منقول
رد مع اقتباس
المفضلات