لعيون ليبيا

[شيشنق]

لعيون ليبيا...
طليت من فوق اجبالها .. عند المسا .. ريت البحر .. سايلات فيه أنوارها
جلّيت عن قلبي الزعل .. وعشت الزها .. في جوها .. ونشوة عبير أزهارها
طليت من فوق اجبالها.. بانن ضوايا ليبيا
ألقيت روحي منذهل .. سارح بروعة ليبيا
عز المداين ليبيا...
طليت من فوق اجبالها .. ريت نورها .. حبَّات لولي في الظلام
وكيف جيت في دروب السهل .. جاعطرها .. فوَّاح وشوشني كلام
قال لي تفضَّل طوف .. بين ناسها .. اللي في ودايد حضنها عايشين
قالي لي شوف .. كيف صخرها .. نابت عليه الورد والياسمين
شوف كيف .. ما تعرف جفا .. ولا تشتكي ولاتعاتب
لها شوق وأحضان ودفا .. أن جاها الحبيب الغايب
ولما وصلت ديارها .. طليت من فوق اجبالها
هلَّن عليَّ انوراها .. ألقيت روحي منذهل
سارح بروعة ليبيا .. عز المداين ليبيا
ليبيا اللِّي حتى الجبل .. من غيرته .. حايط بها بإيدين من صوَّان
ليبيا اللِّي حتى البحر .. من فرحته .. هايم بها .. فوق شطها نشوان
ليبيا اللّي حتى الزهر .. من زهوته .. في بيوتها فايض على السِّيسان
ليبيا اللِّي حتى الخبر .. في وصفها .. يبقى الخبر فوق الورق فرحان
ليبيا اللي من كيفها .. في صيفها .. وان الليالي الزاهيات الحلوة
يطل القمر .. بين الشجر .. تشعر بفرح ونشوه
وتحرك أشجانك غناوي العاشقين
ويذَّوب كم زمارها شوق وحنين
ليبيا علي مَر السنين
كي تزورها وتطل من فوق اجبالها
تشعر بروعة ليبيا
عز المداين ليبيا

[محمد الدراوشه]

الف شكر على الأبيات
ربنا يفك كرب اخوانا في ليبيا وينصرهم
تحيتي واحترأأأأأأأأمي

[الاسطورة]

يعطيك الف عافية
انتقاء رائع جدا منك
سلمت الايادي الطيبة

اختكم بالله