عقب اول الليل لحظة ما يكتب الشاعر وتجيد قريحته
عقب أول الليل
لا هبت النسمــــــــة عقـــــب اول الليــــــل
وراحت تدغدغ كل مــــا بي من جــــــــراح
فز الخفوق وابتدا الدمــــــــع كالسيــــــــــل
كنه ترجل من على العيـــــن ثم طـــــــــاح
كنه يغني فـــــــوق خــــــــدي مواويـــــــل
مثل الحزين اللـــــي مع النـــــــــاس سواح
شفت الثريـــــــا يا الثريـــــــا مع سهـــــيل
وشفت النجـــــوم اللي بعيــــــــدات وشحاح
شفتك ولا ادري شلون اشـــــــرح تفاصيـــل
بين الدموع وبــــــين طعنــــــــات الارمـــاح
بين الهموم وبين ذيـــــــــــك التماثيـــــــــــل
للي بروحي من عزيزيــــــــن ومـــــــــلاح
شفتك ضحكتي وابتدينــــــــــا تعاليـــــــــــل
ابكي واهيجـــــــن لـــــــين صرتي بالاصفاح
جيتي وانا اشــــــــرب دلـــــــــة البن والهيل
وصرت التقيك بشــــــــوق مـــا بين الأقداح
فاض القصيد بكل دمعي كمـــــــــا النـــــــــيل
وانت ما بين القــــــــــاف لــــك روح ومراح
لا جيت اوصـــــــــف مطــــرحك جيت بقليل
انت بقصيدي بـــــــــاب مو بس مفتـــــــــاح
انت لقصيدي لا بعــــــــــد تــــــاج واكليل
ومهجة خفوقي يا بعـــــــــد كـــــــل الارواح
تدري حياتي لــــــــــك غـــــــــلا مو بتظليل
يجري بدمي والوفــــــــــا يرمــــــــح ارماح
ما اقدر امثل يا مـــــــــنى النـــــــــفس تمثيل
ترى قصيـــــــــدي في نظر عـــــيني صحاح
وانا ترى يا بنــــــــت زين الرجــــــــــــاجيل
يكفيني اني بعتمة اللــــــــــــيل مصبــــــــاح
يكفيني اني ما بقلــــــــــــبي تحـــــــــــــاويل
لامن لفيتي ابتـــــــــــدا بشــــــــــوق ينزاح
كنك دخلتي بـــــــــــــيت كلـــــــــــــه مداخيل
كبـــــــــدي وروحي والمعـــــــــــاليق طراح
من زود ثقلك مـــــــــال فيـــــــــني وانا اميل
وبين الحنايــــــــــا طـــــــاح لين الصبح لاح
وطحت بمكــــــــــاني طيحـــــةن ما بها حيل
وني بشعـــــــــري فــــــــوق الأوراق يجتاح
يشرح هموم ن فـــــــــايتات ومقـــــــــــابيل
يطرح معاني كــــــــــل ابو لونهــــــا وضاح
وانا كذا ع طــــــــــــــول مثــــــــل المهابيل
أنا وقصيـــــــــدي والمشــــــــاعر والأشباح.
محمود الضوات
رد مع اقتباس
المفضلات