هذي هي الدنيا وهذي هي الناس خسران من علق هقاويـه فيها

[بنت النبهان]

الناس تفرح بالهبيّب وانا انحـاس
لانـه يحـرك علـة ٍ محتويهـا


روحي تعذب كلما هـب نسنـاس
تقـول ماكـن المحانـي عليهـا


يزيد جرح القلب و القلب حساس
حتى نسانيـس الهـوى مايبيهـا


ومن عادتي لادك فالصدر هوجاس
اشرد بنفسي في الخلا و احتديهـا


الناس و الدنيا منازل بلا سـاس
رحيلهـا وان طولـت مقــتفيـهـا


ومن هي رصيد له تواليه لفلاس
وبيموت ماشاف الغنى من حديها


هذي هي الدنيا وهذي هي الناس
خسران من علق هقاويـه فيهـا


غرارة ٍ فيها الرجا كنـه اليـاس
حتى ولو جـادت فمنهـا و اِليهـا


اللي يلاقي وجهها الشين ينـداس
واللـي يلاقـي زينهـا يهتويهـا


كم من رفيع ٍ خلته يرخي الـراس
وكم من وضيـعٍ خلتـه يعتليهـا


يشوف فيها العاقل اشكال و اجناس
يزهدبها ويراقـب اللـي يليهـا


فلاباس ياشكاية الوقـت لابـاس
عنـد المدبـر دبـرة ٍ نحتريهـا

[محمد الدراوشه]

الف شكر علىالانتقاء الرائع
تحيتي واحترأأأأأأأأأأمي

[بنت النبهان]

والف شكر لك اخي ع المرور المميز
تحيااااااااتي

[الاسطورة]

شكرا لما قدمتي لنا
كل التقدير والاحترام

اختكم بالله

[بنت النبهان]

ولك مني كل الشكر على مرورك المتواصل
تحيااااااااااااااتي لك